چوڻيون 4:5 - Muslim Sindhi Bible

⁵ ڏاهپ ۽ سمجھہ حاصل ڪر. منهنجي نصيحتن کي پوريءَ طرح دل ۾ سانڍي رک ۽ ڪنهن بہ هڪ کي نظرانداز نہ ڪر.

Sindhi Bible

⁵ ڏاهپ هٿ ڪر، سمجهہ هٿ ڪر؛ انهيءَ کي وسار نہ، نڪي منهنجي وات جي ڳالهين کان منهن موڙ.

چوڻيون 4:5 ပူးပေါင်းရင်းမြစ်များ

2.تواريخ 34:2

هن اُهي ئي ڪم ڪيا جيڪي خداوند جي نظر ۾ چڱا هئا. هو پنهنجي وڏي دائود جي سڀني رستن تي هليو ۽ انهن کان ساڄي يا کاٻي بلڪل نہ لڙيو.

ايوب 23:11

منهنجا پير هن جي نقشِ‌قدم تي قائم رهيا آهن، مون سندس ئي راهہ اختيار ڪئي آهي، ۽ ڪيڏانهن بہ ڪين مڙيو آهيان.

زبور 119:157

توڙي جو مون کي ستائڻ وارا ۽ منهنجا دشمن گھڻا آهن، تڏهن بہ آءٌ تنهنجي احڪامن کان پري نہ هٽيو آهيان.

زبور 119:51

مغرور ماڻهو مون تي ڏاڍيون ٺٺوليون ٿا ڪن، تڏهن بہ آءٌ تنهنجي شريعت کي هرگز ڪين ٿو ڇڏيان.

زبور 44:18

اسان جون دليون تو کان ڪڏهن بہ ڪين ڦريون آهن، نڪي وري اسان جا پير تنهنجيءَ واٽ کان ڪڏهن هٽيا آهن.

چوڻيون 16:16

ڏاهپ حاصل ڪرڻ چانديءَ کان وڌيڪ بهتر آهي، بلڪ سون کان بہ وڌيڪ افضل آهي.

چوڻيون 17:16

جيتوڻيڪ ڏاهپ تہ موجود آهي، تہ بہ بي‌عقل دولتمند اها خريد ڪري نہ ٿو سگھي، ڇاڪاڻ تہ هن کي ڪا سمجھہ ئي ڪانهي.

چوڻيون 18:1

ميل ميلاپ نہ رکندڙ ماڻهو رڳو پنهنجي خواهشن لاءِ سوچي ٿو، بلڪ اهو هر انهيءَ ڳالهہ کي ڌڪاري ٿو، جيڪا عام سمجھہ واري ڳالهہ آهي.

چوڻيون 19:8

جيڪو ڏاهپ ٿو حاصل ڪري، سو پنهنجو پاڻ کي پيار ٿو ڪري. هائو، جيڪو سمجھہ سان هلندو رهي ٿو، تنهن کي چڱائي حاصل ٿئي ٿي.

چوڻيون 23:23

سچائي، ڏاهپ، سکيا ۽ سمجھہ ملهہ ڏيئي بہ خريد ڪرڻ گھرجي، انهن کي اوهين پاڻ کان هرگز جدا نہ ڪريو.

چوڻيون 3:1

اي منهنجا ٻارؤ! اوهين منهنجي نصيحتن ۽ هدايتن کي ياد رکجو، بلڪ انهن تي پوريءَ طرح عمل ڪندا رهجو.

چوڻيون 4:7

ڏاهپ سڀني کان افضل شيءِ آهي، تنهنڪري اها حاصل ڪر. ڀلي کڻي تو وٽ ٻيو گھڻو ڪجھہ ڇو نہ هجي، پر ڏاهپ انهن سڀني کان وڌيڪ بهتر آهي.

چوڻيون 8:5

اي نادانؤ! اوهين دانائي سکو. اي بي‌وقوفؤ! اوهين عقلمند ٿيو.

يعقوب 1:5

جيڪڏهن اوهان مان ڪنهن ۾ ڏاهپ جي ڪمي آهي تہ اهو خدا کان گھري. هو کيس ڏيندو، ڇاڪاڻ تہ خدا بنا ڇينڀڻ جي سڀني کي بي‌انداز ٿو ڏئي.