نحمياہ 8:13 - Muslim Sindhi Bible

¹³ ٻئي ڏينهن تي وري سڀني گھراڻن جا وڏا، ڪاهن ۽ لاوي عزرا وٽ اچي گڏ ٿيا، انهيءَ لاءِ تہ شريعت جي ڳالهين تي غور ڪن.

Sindhi Bible

¹³ ٻئي ڏينهن سڄيءَ قوم جي ابن جي گهراڻن جا رئيس ۽ ڪاهن ۽ لاوي، عزرا استاد وٽ اچي گڏ ٿيا، انهيءَ لاءِ تہ شريعت جون ڳالهيون ڌيان ڏيئي ٻڌن.

نحمياہ 8:13 ပူးပေါင်းရင်းမြစ်များ

2.تواريخ 30:23

تڏهن سڀيئي ماڻهو ان ڳالهہ تي متفق ٿيا تہ ٻيا ست ڏينهن بہ عيد ملهائجي، سو هنن خوشيءَ سان ٻيا ست ڏينهن بہ عيد ملهائي.

نحمياہ 8:12

پوءِ سڀيئي ماڻهو هليا ويا ۽ وڃي کائڻ پيئڻ لڳا ۽ ٻين ڏانهن بہ ڪجھہ موڪليائون. هنن وڏو جشن ملهايو، ڇاڪاڻ تہ خدا جي شريعت جو ڪتاب جيڪو کين پڙهي ٻڌايو ويو هو، سو هنن سمجھي ورتو هو.

نحمياہ 8:14

هنن کي شريعت ۾ اهو لکيل مليو جيڪو خداوند موسيٰ جي معرفت فرمايو هو تہ سال جي ستين مهيني ۾ تنبن واري عيد دوران بني اسرائيل تنبن ۾ رهي اها عيد ملهائين.

چوڻيون 12:1

جيڪو سمجھہ ۾ وڌڻ چاهي ٿو، سو خوشيءَ سان سيکت کي قبول ڪندو. مگر جيڪو سيکت کان نفرت ٿو ڪري، سو بي‌وقوف آهي.

لوقا 24:32

اهي هڪٻئي کان پڇڻ لڳا تہ ”ڇا ائين نہ هو تہ جنهن مهل رستي تي هو اسان سان ڳالهائي پيو ۽ پاڪ ڪلام سمجھائي پيو، تڏهن ڇا اسان جون دليون بيحد پرجوش نہ پئي ٿيون؟“

سنتن جا ڪم 13:42

جڏهن برنباس ۽ پولس يهودين جي عبادت‌خاني مان ٻاهر نڪتا تہ ماڻهن کين منٿون پئي ڪيون تہ اهي وري ٻئي سبت جي ڏينهن تي اچي کين انهن ڳالهين بابت وڌيڪ ٻڌائين.

سنتن جا ڪم 4:1

پطرس ۽ يوحنا اڃا ماڻهن سان بيٺي ڳالهايو ئي پئي تہ هيڪل جي صوبيدار ۽ ڪاهنن سميت ڪي صدوقي انهن تي چڙهي آيا.