نحمياہ 3:15 - Muslim Sindhi Bible

¹⁵ چشمي واري دروازي جي اڏاوت مصفاہ ضلعي جي حاڪم سلوم ولد ڪل‌حوزہ ڪرائي. هن ان جي مٿان ڇت وجھرائي ۽ انهيءَ ۾ طاق، هڙڪيون ۽ گز بہ وجھرايا. هن بادشاهہ جي باغ کان وٺي ويندي دائود جي شهر واري ڏاڪڻ تائين شيلا جي تلاءَ واري ڀت جي مرمت پڻ ڪرائي.

Sindhi Bible

¹⁵ ۽ حوض واري دروازي جي مرمت سلوم بن ڪل حوزہ ڪئي، جو مصفاہ جي ضلعي جو حاڪم هو؛ انهيءَ اهو جوڙايو ۽ ڍڪيو، ۽ انهيءَ جا طاق، ۽ انهيءَ جون تاڙيون، ۽ انهيءَ جا گز بيهاريائين، ۽ شيلوخ جي ڍنڍ جي ڀت، جا بادشاهہ جي باغ جي ڀرسان آهي، ۽ انهيءَ ڏاڪڻ تائين جا دائود جي شهر کان هيٺ لهي ٿي وڃي سا جوڙيائين.

نحمياہ 3:15 ပူးပေါင်းရင်းမြစ်များ

2.سموئيل 5:9

پوءِ دائود انهيءَ شهر يروشلم ۾ رهڻ لڳو ۽ انهيءَ جو نالو ”دائود جو شهر“ رکيائين. هن دڙي جي چوڌاري ڀت تائين انهيءَ شهر کي وڌايو.

2.بادشاهَہ 25:4

بابل وارن هڪڙي هنڌان شهر جي ڀت ڀڳي. تنهن وقت صدقياہ پنهنجي لشڪر سميت ان دروازي منجھان ڀڄي نڪري ويو جيڪو سندس باغ جي ڀرسان گھٽيءَ ۾ هو، جڏهن تہ بابل وارا شهر جو گھيرو ڪيو بيٺا هئا. صدقياہ بادشاهہ پنهنجي لشڪر سوڌو ڀڄي اردن ماٿريءَ وارو رستو ورتو.

2.تواريخ 32:30

اهو حزقياہ ئي هو جنهن جيحون جي وهندڙ چشمي جو پاڻي مٿان کان بند ڪري ڇڏيو ۽ انهيءَ وهڪري کي سڌو هيٺ لاهي دائود جي شهر جي اولهہ طرف آندائين. حزقياہ پنهنجي سڀني ڪمن ۾ ڪامياب رهيو.

نحمياہ 12:37

چشمي واري در مٿان ڀت تي هلندا اُهي سڌو دائود جي شهر جي ڏاڪڻ تان چڙهي مٿينءَ ڀت تي پهتا ۽ دائود جي محل وٽان گذرندا اوڀر طرف پاڻيءَ واري دروازي تائين هليا ويا.

نحمياہ 2:14

پوءِ آءٌ شهر جي اوڀر ۾ چشمي واري دروازي ڏانهن ويس ۽ اڳتي هلي وري بادشاهہ واري تلاءَ ڏانهن اتر طرف وڌي ويس، پر جنهن وهٽ تي آءٌ سوار هئس تنهن جي لنگھڻ جي جاءِ اتان ڪانہ هئي.

نحمياہ 2:17

پوءِ مون هنن کي ٻڌايو تہ ”اوهين ڏسو ٿا تہ اسان جو ڪهڙو حال ٿي ويو آهي. يروشلم ويران ٿيو پيو آهي ۽ ان جا دروازا سڙيا پيا آهن. سو اچو تہ يروشلم جون ڀتيون وري تعمير ڪريون تہ جيئن اسين وڌيڪ خوار خراب نہ ٿيون.“

نحمياہ 3:12

ان جي لاڳيتي حصي جي مرمت جو ڪم، يروشلم جي ٻئي اڌ ضلعي جي حاڪم سلوم ولد هلوحيش پنهنجي ڌيئرن جي مدد سان ڪيو.

نحمياہ 3:14

گند واري دروازي جي نئين سر اڏاوت بيت‌هڪرم جي ضلعي جي حاڪم ملڪياہ ولد ريڪاب ڪرائي. هن انهيءَ ۾ طاق، هڙڪيون ۽ گز وجھرايا.

نحمياہ 3:19

انهيءَ کان پوءِ عيزر ولد يشوع جيڪو مصفاہ جو حاڪم هو، تنهن اسلحہ‌خاني جي چاڙهيءَ جي سامهون کان وٺي ويندي ڀت جي وراڻي تائين واري حصي جي مرمت ڪرائي.

نحمياہ 3:7

ان سان لاڳيتو حصو جِبعون ۽ مصفاہ جي ماڻهن جي مدد سان ملطياہ جِبعونيءَ ۽ يدون ميرونوتيءَ مرمت ڪيو. مصفاہ ۾ اولهہ واري فرات نديءَ جي صوبي جي گورنر جو دفتر هو.

نحمياہ 3:9

ان سان لاڳيتي حصي جي مرمت جو ڪم رفاياہ ولد حور ڪرايو، جيڪو يروشلم جي اڌ ضلعي جو حاڪم هو.

واعظ 2:6

مون تلاءَ جوڙايا، انهيءَ لاءِ تہ انهن وڻن کي پاڻي ڏجي.

يسعياہ 8:6

”جيئن تہ يهوداہ وارن شيلوخ جي نرميءَ سان وهندڙ پاڻيءَ کي رد ڪري ڇڏيو آهي ۽ ارام جي بادشاهہ رضين ۽ اسرائيل جي بادشاهہ فقحہ ڏانهن راضي خوشيءَ مائل ٿيا آهن،

يرمياہ 40:6

سو آءٌ مصفاہ شهر ۾ جِدلياہ ولد اخيقام وٽ آيس ۽ وٽس باقي بچيل ماڻهن منجھہ رهڻ لڳس.

لوقا 13:4

يا وري اوهين ائين سمجھو ٿا ڇا تہ اهي ارڙهن ڄڻا، جن تي شيلوخ وارو منارو ڪريو ۽ دٻجي مري ويا، سي يروشلم جي سڀني رهاڪن کان وڌيڪ گنهگار هئا؟

يوحنا 9:7

۽ چيائينس تہ ”پنهنجو منهن انهيءَ تلاءَ ۾ وڃي ڌوءُ، جنهن جو نالو شيلوخ آهي.“ (شيلوخ جي معنيٰ ”موڪليل“ آهي.) پوءِ هو ويو ۽ انهيءَ تلاءَ ۾ وڃي منهن ڌوتائين ۽ موٽ تي هو ڏسندو وائسندو آيو.

قاضين 20:1

تڏهن سمورا بني اسرائيل اوڀر ۾ جِلعاد علائقي کان ۽ اتر ۾ دان شهر کان وٺي ڏکڻ ۾ بيرسبع شهر تائين هڪ دل ٿي ٻاهر نڪتا. هو مصفاہ شهر ۾ خداوند جي حضور ۾ اچي گڏ ٿيا.

قاضين 20:3

جڏهن تہ بني بنيامين کي خبر پيئي تہ هنن کان سواءِ ٻيا سمورا بني اسرائيل مصفاہ شهر ۾ وڃي گڏ ٿيا آهن. مصفاہ شهر ۾ بني اسرائيل هڪٻئي کان پڇڻ لڳا تہ ”اسان ۾ اها برائي ڪيئن ٿي؟“