لاوي سرشتو 6:21 - Muslim Sindhi Bible

²¹ اهو ميدو تيل ۾ ڳوهي تئي تي پچائجي. جڏهن پچي وڃي تڏهن اهو اندر آندو وڃي ۽ انهيءَ جا ڀورا ڀورا ڪري اناج جي قربانيءَ طور مون خداوند جي حضور ۾ وڻندڙ خوشبوءِ جي لاءِ پيش ڪيو وڃي.

Sindhi Bible

²¹ اهو تئي تي تيل سان پچائجي؛ جڏهن اهو پچي، تڏهن تون اهو اندر کڻي اچج، ۽ تون انهي پڪل ميدي جا ٽڪر ٽڪر ڪري، خداوند جي حضور ۾ کاڌي جي قربانيءَ طور پيش ڪج.

لاوي سرشتو 6:21 ပူးပေါင်းရင်းမြစ်များ

1.تواريخ 23:29

سندن هيءَ پڻ ذميواري هئي: خداوند اڳيان نذر ڪيل ماني، نذرانن ۾ استعمال ٿيندڙ اٽو، بي‌خميري ڍوڍا، پڪل مانين جا نذرانا ۽ زيتون جي تيل ۾ ڳوهيل اٽو پيش ڪرڻ، خداوند جي هيڪل ۾ پيش ٿيندڙ نذرانن جي تور ماپ ڪرڻ،

1.تواريخ 9:31

متتياہ نالي هڪڙو لاوي جيڪو سلوم قورحيءَ جو پهريتو ٻار هو، سو نذراني جون مانيون پچائڻ تي مقرر هوندو هو.

لاوي سرشتو 11:33

جيڪڏهن انهن مان ڪو مئل جيت ڪنهن ٺڪر جي ٿانوَ ۾ ڪري پوي تہ انهيءَ ۾ جيڪي بہ پيل هوندو سو ناپاڪ ٿيندو ۽ اهو ٿانءُ اوهين ڀڃي ڇڏجو.

لاوي سرشتو 15:12

جريان وارو ماڻهو ڪنهن ٺڪر جي ٿانوَ کي ڇهي، تہ اهو ڀڃي ڇڏجي. جيڪڏهن اهو ٿانءُ ڪاٺيءَ جو هجي تہ انهيءَ کي آگھاري ڇڏجي.

لاوي سرشتو 2:5

جيڪڏهن اها اناج جي قرباني تئي تي پڪل هجي تہ اها تيل ۾ ڳوهيل ميدي جي بي‌خميري مانيءَ جي هجي.

لاوي سرشتو 6:22

هارون جي اولاد مان جيڪو سندس جاءِ تي سردار ڪاهن هجي سو ئي اها آڻي پيش ڪري. اهو هميشہ جي لاءِ قانون آهي تہ اها سموري قرباني مون خداوند جي لاءِ ساڙي ڇڏجي.

لاوي سرشتو 7:12

جيڪڏهن هو اها قرباني شڪرگذاريءَ جي لاءِ پيش ڪري تہ جانور ذبح ڪرڻ سان گڏ ميدي جون تيل ۾ ڳوهيل بي‌خميري مانيون، تيل مکيل بي‌خميري ٽڪيون ۽ تيل ۾ ڳوهي پچايل ڍوڍا پيش ڪري.

لاوي سرشتو 7:9

سڀڪا اناج جي قرباني، جا تنور ۾ پڪل هوندي، يا تئي تي پڪل هوندي يا وري تئيءَ ۾ تريل هوندي، سا انهيءَ ڪاهن جي ٿيندي جيڪو اها قرباني پيش ڪندو.