لاوي سرشتو 22:6 - Muslim Sindhi Bible

⁶ تہ اهو ڪاهن شام تائين ناپاڪ رهندو. پر جيستائين هو نہ وهنجي تيستائين مخصوص قربانين مان نہ کائي.

Sindhi Bible

⁶ تہ اهو ماڻهو جو اهڙي ڪنهن بہ شيءِ کي ڇهندو، سو شام تائين ناپاڪ رهندو، ۽ جيسين هو پاڻيءَ ۾ نہ وهنجي، تيسين پاڪ شيون نہ کائي.

لاوي سرشتو 22:6 ပူးပေါင်းရင်းမြစ်များ

لاوي سرشتو 11:31

جيڪو انهن جي مڙهہ کي ڇهندو سو شام تائين ناپاڪ رهندو.

لاوي سرشتو 11:32

اهي مرڻ کان پوءِ جنهن شيءِ تي ڪرندا سا ناپاڪ ٿيندي، پوءِ کڻي اها ڪاٺ جي هجي يا ڪپڙي جي، کل جي هجي يا کٿي جي، مطلب تہ ڪم ۾ ايندڙ ڪهڙي بہ شيءِ هجي انهيءَ کي پاڻيءَ ۾ ٻوڙڻ گھرجي. شام تائين اها ناپاڪ رهندي، پوءِ پاڪ ٿي ويندي.

لاوي سرشتو 11:39

جيڪي جانور اوهان جي لاءِ حلال آهن، تن مان جيڪڏهن ڪو مري پوي، تہ جيڪو انهيءَ جي مڙهہ کي ڇهندو سو شام تائين ناپاڪ رهندو.

لاوي سرشتو 11:40

جيڪو انهيءَ مئل جانور مان ڪجھہ کائي يا جيڪو انهيءَ جي مڙهہ کي کڻي تہ اهو پنهنجا ڪپڙا ڌوئي ڇڏي، پر تنهن هوندي بہ هو شام تائين ناپاڪ رهندو.

لاوي سرشتو 15:5

جيڪو ماڻهو انهيءَ جي پلنگ کي ڇهندو،

لاوي سرشتو 22:5

يا جيڪڏهن هو ڪنهن اهڙي ناپاڪ جانور يا ماڻهوءَ کي ڇهي جنهن جي ڪري هو ناپاڪ ٿي پوي، پوءِ اهو جنهن بہ طرح ناپاڪ ٿيو هجي،

لاوي سرشتو 22:7

سج لهڻ کان پوءِ هو پاڪ ٿي انهن مخصوص قربانين مان ڀلي کائي، ڇاڪاڻ تہ اها سندس خوراڪ آهي.

حجيءَ 2:13

پوءِ حجيءَ وري کانئن پڇيو تہ ”فرض ڪريو تہ ڪو ماڻهو ڪنهن مُڙدي کي ڇهڻ سان ناپاڪ ٿي پيو هجي تہ پوءِ جيڪڏهن هو کاڌي وارين انهن شين کي ڇهي تہ ڇا اهي ناپاڪ ٿي پونديون؟“ ڪاهنن وراڻيو تہ ”هائو، اهي ناپاڪ ٿي پونديون.“

ڳاڻاٽو 19:22

ناپاڪ ماڻهو جنهن بہ شيءِ کي ڇهندو سا ناپاڪ ٿيندي ۽ جيڪو بہ ماڻهو انهيءَ ناپاڪ ٿيل شيءِ کي ڇهندو سو شام تائين ناپاڪ رهندو.“

1.ڪرنٿين 6:11

اوهان ۾ بہ ڪي اهڙا ئي هئا. پر هاڻي اوهين خداوند عيسيٰ مسيح جي نالي ۽ اسان جي خدا جي پاڪ روح جي وسيلي گناهن کان ڌوتا ويا آهيو، مخصوص ڪيا ويا آهيو ۽ خدا ڏانهن سچار بڻايا ويا آهيو.

عبرانين 10:22

سو هاڻي جيئن تہ اسان تي مسيح جو رت ڇٽڪاريو ويو آهي، يعني اسان جا ضمير گناهن کان پاڪ ٿيل آهن ۽ اسان جا جسم صاف پاڻيءَ سان ڌوتل آهن، تنهنڪري اچو تہ سچيءَ دل سان ۽ پوري يقين سان خدا کي ويجھا ٿيون.