لاوي سرشتو 18:19 - Muslim Sindhi Bible

¹⁹ جيڪا عورت پنهنجي ماهواريءَ جي ڪري اڃا ناپاڪ هجي، تنهن جي اوگھڙ ڏسڻ لاءِ سندس ويجھو نہ وڃجو.

Sindhi Bible

¹⁹ جيڪا زال پنهنجيءَ ماهواريءَ جي ڪري اڃا ناپاڪ هجي، تنهن جو ننگ کولڻ لاءِ، سندس ويجهو نہ وڃج.

لاوي سرشتو 18:19 ပူးပေါင်းရင်းမြစ်များ

2.سموئيل 11:4

تڏهن دائود ماڻهو موڪلي انهيءَ کي گھرايو. هوءَ تازو ئي ماهواريءَ کان پاڪ ٿي هئي. جڏهن هوءَ وٽس آئي تہ هو ساڻس سمهيو. تنهن بعد هوءَ پنهنجي گھر هلي ويئي.

حزقي ايل 18:6

هن ڪڏهن بہ بتن تي قربان ڪيل گوشت نہ کاڌو هجي ۽ نہ وري اوهان بني اسرائيل جي بتن جي پوڄا ڪئي هجائين. هن پنهنجي پاڙيسريءَ جي زال جي بي‌حرمتي نہ ڪئي هجي ۽ نہ وري ڪنهن عورت جي حيض واري وقت ۾ ساڻس ستو هجي.

حزقي ايل 22:10

ماڻهو پنهنجي پيءُ جي زال سان زناڪاري ٿا ڪن ۽ حيض وارين عورتن سان زبردستيءَ ٿا سمهن.

لاوي سرشتو 12:2

بني اسرائيل لاءِ هي فرمايو تہ ”جيڪڏهن ڪا عورت پيٽ سان ٿئي ۽ پٽ ڄڻي تہ اها ماهواريءَ جي ڏينهن وانگر ستن ڏينهن تائين ناپاڪ رهندي.

لاوي سرشتو 15:19

جڏهن ڪنهن عورت کي ماهواري اچي، تہ اها ستن ڏينهن تائين ناپاڪ رهندي ۽ جيڪو بہ کيس ڇهندو سو شام تائين ناپاڪ رهندو.

لاوي سرشتو 15:24

جيڪڏهن ڪو ماڻهو ماهواريءَ دوران ساڻس هم‌بستر ٿيو هجي، تہ انهيءَ جي حيض جو رت لڳڻ ڪري هو ستن ڏينهن تائين ناپاڪ رهندو. پوءِ اهو ماڻهو جنهن بہ پلنگ تي سمهندو سو ناپاڪ ٿيندو.

لاوي سرشتو 18:18

اوهان پنهنجيءَ زال جي جيئري ئي انهيءَ جي ڀيڻ کي سندس پهاڄ بڻائي انهيءَ جي اوگھڙ نہ ڏسجو.

لاوي سرشتو 20:18

جيڪڏهن ڪو ماڻهو ڪنهن عورت جي ماهواريءَ وقت ساڻس هم‌بستر ٿئي ٿو ۽ خون واري انهيءَ حالت ۾ هو اهڙو ڪم ڪن ٿا تہ اهي ٻيئي ڏوهاري آهن، سو انهن ٻنهي کي قوم مان خارج ڪيو وڃي.