لاوي سرشتو 13:20 - Muslim Sindhi Bible

²⁰ ڪاهن هن کي چڪاسي ڏسي. جيڪڏهن اهو هنڌ چمڙيءَ کان اونهو ڏسڻ ۾ اچي ۽ انهيءَ هنڌ جا وار بہ اڇا ٿي ويا هجن، تہ پوءِ ڪاهن انهيءَ ماڻهوءَ کي ناپاڪ قرار ڏئي. اهو چمڙيءَ جو وچڙندڙ مرض آهي جيڪو ڦرڙيءَ مان پيدا ٿيو آهي.

Sindhi Bible

²⁰ ۽ ڪاهن هن کي چڪاسي، ۽ ڏسو، جيڪڏهن اهو هنڌ کل کان اونهو ڏسڻ ۾ اچي، ۽ انهي هنڌ جا وار بہ اڇا ٿي ويا هجن تہ ڪاهن انهي کي ناپاڪ ٺهرائي: اهو ڪوڙهہ جو مرض آهي، جو ڦرڙيءَ مان پيدا ٿيو آهي.

لاوي سرشتو 13:20 ပူးပေါင်းရင်းမြစ်များ

لاوي سرشتو 13:19

۽ انهيءَ ڦرڙيءَ واري جاءِ تي اڇي سڄيل جڳهہ هجي يا اڇو ڳاڙهيرو چمڪندڙ داغ هجي تہ اهو ڪاهن کي ڏيکاريو وڃي.

لاوي سرشتو 13:2

”جيڪڏهن ڪنهن ماڻهوءَ جي جسم جي چمڙيءَ تي سوڄ، ڏڍ يا ڪو اڇو چمڪندڙ داغ ٿئي ۽ اهو وڌي چمڙيءَ جو وچڙندڙ مرض معلوم ٿئي، تہ پوءِ انهيءَ معاملي کي هارون ڪاهن وٽ يا سندس پٽ، جيڪي ڪاهن آهن تن مان هڪڙي وٽ آندو وڃي.

لاوي سرشتو 13:21

پر جيڪڏهن ڪاهن ڏسي تہ انهيءَ هنڌ جا وار اڇا نہ ٿيا آهن ۽ اهو هنڌ چمڙيءَ کان اونهو بہ نہ آهي بلڪ داغ جھڪو ٿي ويو آهي، تہ پوءِ ڪاهن هن کي ست ڏينهن بند ڪري ويهاري.

لاوي سرشتو 13:3

اهو ڪاهن انهيءَ ماڻهوءَ جي جسم جي چمڙيءَ تي ٿيل مرض کي چڪاسي. جيڪڏهن مرض واري هنڌ جا وار اڇا ٿي ويا هجن ۽ اهو مرض هن جي چمڙيءَ کان اونهو ڏسڻ ۾ اچي، تہ پوءِ اهو چمڙيءَ جو وچڙندڙ مرض آهي ۽ ڪاهن انهيءَ ماڻهوءَ کي ناپاڪ قرار ڏئي.

متي رسول جي معرفت پاڪ انجيل 12:45

تڏهن هو وڃي ست ٻيا پاڻ کان بہ وڌيڪ بڇڙا ڀوت وٺي اچي ٿو. اهي ان ماڻهوءَ ۾ داخل ٿي منجھس رهن ٿا ۽ ان جي حالت اڳي کان بہ وڌيڪ بدتر ٿي پوي ٿي. سو هن زماني جي بڇڙن ماڻهن سان بہ ساڳي حالت ٿيندي.“

يوحنا 5:14

ٿوري وقت کان پوءِ عيسيٰ انهيءَ ماڻهوءَ کي هيڪل ۾ ڏٺو ۽ کيس چيائين تہ ”ڏس، هاڻي تون چڱو ڀلو ٿي ويو آهين، سو وري گناهہ نہ ڪجانءِ، متان هن کان بہ وڌيڪ تڪليف نہ اچيئي.“

2.پطرس 2:20

سو جيڪي ماڻهو اسان جي خداوند ۽ ڇوٽڪاري ڏيندڙ عيسيٰ مسيح کي ڄاڻڻ جي ڪري دنيا جي بڇڙاين کان ڇڏائجي ويا آهن، سي جيڪڏهن وري انهن بڇڙاين جي غلبي ۾ اچي ڦاسي پون تہ انهن جي پوئين حالت اڳينءَ کان بہ وڌيڪ خراب ٿيندي.