يشوع 12:7 - Muslim Sindhi Bible

⁷ ڪنعان ملڪ جو جيڪو علائقو اردن درياءَ جي اولهہ طرف لبنان جي ماٿريءَ ۾ بعل‌جد کان وٺي خلق جبل، جيڪو ڏکڻ ۾ ادوم جي علائقي ڏانهن ٿو وڃي، تنهن تائين آهي، انهيءَ علائقي جي بادشاهن کي يشوع ۽ بني اسرائيل شڪست ڏني. انهن جا ملڪ يشوع بني اسرائيل کي سندن قبيلن موجب ورثي طور ورهائي ڏنا.

Sindhi Bible

⁷ ۽ جيڪو ملڪ يردن جي هن ڀر الهندي ڏي لبنان جي واديءَ ۾ بعل جد کان وٺي خلق جبل، جو سعير ڏي ٿو وڃي، تنهن تائين آهي، تنهن جا بادشاهہ هي آهن، جن کي يشوع ۽ بني اسرائيل ماري مات ڪيو، ۽ انهن جو ملڪ ورثو ڪري هن بني اسرائيل کي سندن حصن موجب ورهائي ڏيئي ڇڏيو هو؛

يشوع 12:7 ပူးပေါင်းရင်းမြစ်များ

پيدائش 14:6

۽ حورين کي ادوم جي جابلو علائقي ۾ شڪست ڏيندا، ايل‌فاران تائين آيا جيڪو رڻ‌پٽ جي ويجھو آهي.

پيدائش 32:3

يعقوب پاڻ کان اڳ ۾ پنهنجي ڀاءُ عيسوءَ ڏانهن سعير علائقي يعني ادوم ملڪ ۾ قاصد موڪليا.

پيدائش 36:20

حوري قبيلي وارا جيڪي سعير جو اولاد هئا ۽ ادوم جي علائقي ۾ رهندا هئا سي هي آهن: لوطان، شوبال، صِبعون، عَيناہ،

پيدائش 36:8

انهيءَ ڪري عيسو، جنهن کي ادوم بہ سڏجي ٿو سو وڃي سعير جي جابلو علائقي ۾ رهڻ لڳو.

زبور 135:11

هائو، امورين جي بادشاهہ سيحون کي، بسن جي بادشاهہ عوج کي، ۽ ڪنعان جي سڀني بادشاهن کي هن قتل ڪري ڇڏيو.

شريعت جو دور 2:1

”پوءِ اسين موٽياسين ۽ ڳاڙهي سمنڊ وارو رستو ڏيئي بيابان ۾ آياسين، جيئن خداوند مون کي فرمايو هو. ڪيترن ئي ڏينهن تائين اسين ادوم جي جابلو علائقي ۾ ڀٽڪندا رهياسين.

شريعت جو دور 2:4

هن مون کي اوهان لاءِ هي حڪم فرمايو تہ ’اوهان کي پنهنجن عزيزن بني عيسوءَ جي سرحد وٽان لنگھڻو آهي، جيڪي ادوم جي علائقي ۾ رهن ٿا. اهي اوهان کان ڊڄندا، تنهنڪري اوهين تمام احتياط ڪجو.

يشوع 11:17

خلق جبل، جيڪو ڏکڻ ۾ ادوم جي علائقي ڏانهن وڌي ٿو، تنهن کان وٺي بعل‌جد تائين جيڪو اتر ۾ لبنان جي ماٿريءَ ۾ حرمون جبل هيٺان آهي. يشوع انهن سڀني بادشاهن سان گھڻي وقت تائين جنگ ڪئي ۽ کين پڪڙي ماري ڇڏيو.

يشوع 11:23

اهڙيءَ طرح يشوع سڄو ملڪ قبضي ڪري ورتو، جيئن خداوند موسيٰ کي فرمايو هو. يشوع اهو بني اسرائيل کي سندن قبيلن موجب ورثي طور ورهائي ڏنو. پوءِ ملڪ کي جنگ کان آرام مليو.

يشوع 9:1

هوڏانهن اهي بادشاهہ جيڪي اردن درياءَ جي اولهہ طرف ٽڪرين ۾، هيٺاهن ڍورن ۾ ۽ وڏي سمنڊ جي ڪناري سان لبنان ملڪ تائين حتين، امورين، ڪنعانين، فرزين، حوين ۽ يبوسين جا بادشاهہ هئا، تن جڏهن بني اسرائيل جي ڪاميابين جون اهي ڳالهيون ٻڌيون،