قاضين 9:28 - Muslim Sindhi Bible

²⁸ پوءِ جعل چيو تہ ”ابيملڪ جو سڪم سان ڪهڙو واسطو؟ ڇو اسين انهيءَ جي اطاعت ڪريون؟ ڇا هو جِدعون جو پٽ ناهي! ڇا زبول هن جو عملدار ناهي! اوهين سڪم جي وڏي حمور جي اولاد جي ئي اطاعت ڪريو. اسين ڇو ابيملڪ جي اطاعت ڪريون؟

Sindhi Bible

²⁸ ۽ جعل بن عبد چيو تہ ابيملڪ ڪير آهي، ۽ سڪم ڪير آهي جو اسين انهي جي خدمت ڪريون؟ اُهو يروبعل جو پٽ ناهي ڇا؟ ۽ زبول هن جو عملدار ناهي ڇا؟ اوهين سڪم جي پيءُ حصور جي ماڻهن جي خدمت ڪريو: پر اسين ڇو هن جي خدمت ڪريون؟

قاضين 9:28 ပူးပေါင်းရင်းမြစ်များ

پيدائش 33:19

جنهن زمين جي ٽڪري تي پنهنجو تنبو کوڙيو هئائين، سو سڪم نالي هڪ شخص جي پيءُ حمور جي خاندان کان چانديءَ جي سؤ سڪن عيوض خريد ڪيائين.

پيدائش 34:2

جڏهن انهيءَ علائقي جي حاڪم حمور حِويءَ جي پٽ سڪم هن کي ڏٺو تہ کيس پڪڙي وڃي آبرو لُٽيائينس.

پيدائش 34:6

پوءِ سڪم جو پيءُ حمور يعقوب سان ڳالهيون ڪرڻ لاءِ وٽس آيو.

2.سموئيل 20:1

اتفاق سان بنيامين قبيلي جو هڪڙو خبيث ماڻهو سبع ولد بڪري اتي جِلجال ۾ هو. انهيءَ نفيل وڄائي رڙ ڪري چيو تہ ”يسيءَ جي پٽ دائود ۾ اسان جو ڪوبہ حصو پتي ڪونهي، نڪي وري هاڻ هن سان ڪو اسان جو واسطو آهي. تنهنڪري اي اسان جي قبيلن وارؤ! هلو تہ پنهنجن پنهنجن گھرن ڏانهن موٽي هلون.“

1.بادشاهَہ 12:16

جڏهن بني اسرائيل جي انهن ڏهن قبيلن ڏٺو تہ دائود جو پوٽو رحبعام انهن جي هڪ بہ نہ ٿو ٻڌي تڏهن انهن کيس جواب ۾ چيو تہ ”دائود ۾ هاڻ اسان جو ڪوبہ حصو پتي ڪونهي، هائو، يسيءَ جي پٽ سان اسان جو ڪو واسطو نہ آهي. اي اسان جي قبيلن وارؤ! هلو تہ موٽي هلون، اي دائود جو اولاد! هاڻ هلاءِ پنهنجي بادشاهت.“ پوءِ اسرائيل وارا پنهنجن پنهنجن گھرن ڏانهن موٽي هليا ويا.

قاضين 9:26

تڏهن جعل ولد عبد پنهنجي گھراڻي وارن سميت سڪم شهر ۾ آيو ۽ اتان جي ماڻهن مٿس اعتماد ڪيو.

قاضين 9:41

تنهن بعد ابيملڪ واپس موٽي اچي ارومہ ۾ ترسي پيو. جعل ۽ سندس گھراڻي وارن کي زبول سڪم شهر مان تڙي ڪڍي ڇڏيو، تہ جيئن هو اڳتي لاءِ اتي نہ رهن.

1.سموئيل 25:10

تڏهن نابال دائود جي نوڪرن کي ورندي ڏيئي چيو تہ ”اهو دائود ڪير ٿيندو آهي؟ اهو يسيءَ جو پٽ ڪير ٿيندو آهي؟ اڄڪلهہ ڪيترائي اهڙا نوڪر آهن، جيڪي پنهنجن مالڪن وٽان ڀڄي ٿا نڪرن.