قاضين 5:1 - Muslim Sindhi Bible

¹ تڏهن انهيءَ ئي ڏينهن برق ولد ابي‌نوعم سان گڏجي دبورہ هي گيت ڳايو تہ

Sindhi Bible

¹ تڏهن انهيءَ ڏينهن دبورہ ۽ برق بن ابي نوعم هڪڙو راڳ ڳايو، تہ،

قاضين 5:1 ပူးပေါင်းရင်းမြစ်များ

2.سموئيل 22:1

جڏهن خداوند دائود کي سندس سڀني دشمنن ۽ سائول جي هٿان بچائي آرام ڏنو، تڏهن هن خداوند جي حضور ۾ هي گيت ڳايو تہ

2.تواريخ 20:21

پوءِ هن ماڻهن سان صلاح مشورو ڪري ڪي ڳائڻ وارا ماڻهو مقرر ڪيا، جيڪي لشڪر جي اڳيان اڳيان هلندي خداوند لاءِ ڳائين ۽ پاڪيزگيءَ سان سندس جمال جي واکاڻ ڪن ۽ هيئن چون تہ ”خداوند جي واکاڻ ڪريو، ڇاڪاڻ تہ سندس شفقت هميشہ جي لاءِ آهي.“

2.تواريخ 20:27

تنهن کان پوءِ يهوسفط جي اڳواڻيءَ ۾ سڄي يهوداہ جا ماڻهو خوشيون ڪندا يروشلم ڏانهن موٽيا، ڇاڪاڻ تہ خداوند سندن دشمنن تي کين فتح بخشي هئي.

ايوب 36:24

ياد رک، تو کي بہ انهيءَ جي ڪمن جي واکاڻ ڪرڻ گھرجي، جنهن جي واکاڻ ماڻهو هميشہ ڳائيندا رهيا آهن.

زبور 18:1

اي خداوند! تون جيڪو منهنجي طاقت آهين، آءٌ تو کي پيار ڪريان ٿو.

زبور 32:7

اي خداوند! مون کي بہ تون تڪليفن کان بچائين ٿو، ڇاڪاڻ تہ منهنجي جاءِ‌پناهہ تون ئي آهين. تون منهنجي چوڌاري نجات جا گيت ڳارائين ٿو.

خروج 15:1

ان وقت موسيٰ ۽ بني اسرائيل جي ماڻهن خداوند جي شان ۾ هي گيت ڳايو تہ ”آءٌ خداوند جو حمد وَ ثنا ڳائيندس، ڇاڪاڻ تہ هن وڏي شاندار فتح ماڻي آهي، هن گھوڙن کي سوارن سوڌو سمنڊ ۾ اڇلائي وڌو آهي.

خروج 15:21

مريم هنن جي گيت جي جواب ۾ هي ڳايو تہ ”اوهين خداوند جو حمد وَ ثنا ڳايو، ڇاڪاڻ تہ هن جلال واري فتح ماڻي آهي، هن گھوڙن کي سوارن سوڌو سمنڊ ۾ اڇلائي وڌو آهي.“

يسعياہ 25:1

اي خداوند! تون منهنجو خدا آهين. آءٌ تنهنجي وڏائي بيان ڪندس، ۽ تنهنجي نالي جي واکاڻ ڪندس، ڇاڪاڻ تہ تو اهي عجيب وَ غريب ڪم بلڪل ساڳئي نموني پورا ڪري ڏيکاريا آهن، جيئن تو قديم زمانن کان رٿي ڇڏيا هئا.

يسعياہ 26:1

انهيءَ ڏينهن يهوداہ جا ماڻهو هي گيت ڳائيندا تہ ”اسان جو شهر يروشلم هڪ محفوظ شهر آهي، جنهن جي ڪوٽ جي حفاظت خدا پاڻ ٿو ڪري.

ڳاڻاٽو 21:17

تڏهن بني اسرائيل اتي هي گيت ڳايو تہ ”اي کوهہ! تون اُٿل کائي اسان کي پاڻي ڏي. اي اوهين! سڀيئي گڏجي انهيءَ کوهہ جون تعريفون ڳايو.

لوقا 1:46

مريم چيو تہ ”منهنجي دل خداوند جي واکاڻ ڪري ٿي.

قاضين 4:24

انهيءَ کان پوءِ بادشاهہ يابين تي بني اسرائيل جي پڪڙ وڌندي ويئي، تان جو هنن کيس صفا ناس ڪري ڇڏيو.

قاضين 4:4

انهن ڏينهن ۾ دبورہ نالي هڪڙي نبياڻي بني اسرائيل جي رهبر هئي، جيڪا لفيدوت جي زال هئي.

1.سموئيل 2:1

حنہ دعا گھرندي چيو تہ ”خداوند منهنجيءَ دل کي خوشيءَ سان ڀرپور ڪيو آهي، خداوند منهنجي طاقت کي زور وٺايو آهي. آءٌ پنهنجي دشمنن مٿان خوشيءَ وچان کلان ٿي پئي، ڇوجو مون کي ڇڏائڻ سان هن منهنجو من سرهو ڪيو آهي.