قاضين 3:29 - Muslim Sindhi Bible

²⁹ انهيءَ ڏينهن هنن موآبين جا ڏهہ هزار سُورهيہ مرد ماري ڇڏيا ۽ انهن مان هڪڙو بہ بچي نہ نڪتو.

Sindhi Bible

²⁹ ۽ انهي وقت هنن موآب جا ڏهہ هزار ماڻهو ماريا، جن مان هرهڪ مضبوط ۽ بهادر مرد هو؛ ۽ هڪڙو بہ ماڻهو ڇٽي نہ ويو.

قاضين 3:29 ပူးပေါင်းရင်းမြစ်များ

ايوب 15:27

جيتوڻيڪ سندن منهن تي ٿولهہ اچي ويئي آهي، ۽ خوشحاليءَ سندن بدن تي چرٻيءَ جا تهہ ڄمائي ڇڏيا آهن،

زبور 17:10

هنن پنهنجين دلين کي سخت بڻائي ڇڏيو آهي، ۽ پنهنجي واتان تڪبر واريون ڳالهيون ٿا ڪن.

شريعت جو دور 3:18

انهيءَ وقت ئي مون اوهان کي حڪم ڏيئي چيو هو تہ ’خداوند اوهان جي خدا هيءُ ملڪ اوهان کي ميراث ڪري ڏنو آهي. سو اوهين سڀ جنگي مرد هٿيار ٻڌي پنهنجي بني اسرائيل جي ڀائرن جي اڳيان درياءَ پار هلو.

شريعت جو دور 32:15

پر خدا جا اهي پيارا جڏهن کائي پئي ٿلها متارا ٿيا، تڏهن سندن پيٽ ڀرجي ويو ۽ اهي لتون هڻڻ لڳا. پوءِ جنهن خدا کين جوڙيو هو تنهن کي ڇڏي ڏنائون، ۽ پنهنجي انهيءَ طاقتور ڇڏائيندڙ کي حقير ڄاتائون.

قاضين 3:17

پوءِ هو اهو ڏنُ عجلون بادشاهہ ڏانهن کڻي ويو. عجلون تمام ٿلهو ماڻهو هو.

قاضين 3:28

اهود کين چيو تہ ”منهنجي پٺيان هليا اچو، ڇاڪاڻ تہ خداوند اوهان جي دشمن موآبين کي اوهان جي هٿ ۾ ڏيئي ڇڏيو آهي.“ سو هو انهيءَ جي پٺيان لهي ويا ۽ وڃي اردن درياءَ جي گھيرن وٽ موآبين جا گھٽ جھليائون ۽ هڪڙي ماڻهوءَ کي بہ پار لنگھڻ نہ ڏنائون.

قاضين 3:30

تنهن ڏينهن بني اسرائيل موآب قوم تي قبضو ڪري ورتو ۽ اسي سالن تائين ملڪ ۾ امن وَ سڪون رهيو.