قاضين 21:12 - Muslim Sindhi Bible

¹² اهڙيءَ طرح يبيس جي رهاڪن مان هنن کي چار سؤ ڪنواريون ڇوڪريون هٿ آيون. هو انهن کي سيلا شهر واري لشڪر‌گاهہ ۾ وٺي آيا، جيڪو اتي ڪنعان ملڪ ۾ ئي آهي.

Sindhi Bible

¹² ۽ هنن يبيس جلعاد جي رهاڪن مان چار سؤ جوان ڪنواريون زالون لڌيون، جي مڙس سان نہ سمهيون هيون: ۽ انهن کي هو سيلا جي لشڪرگاهہ ۾ وٺي آيا، جو ڪنعان جي ملڪ ۾ آهي.

قاضين 21:12 ပူးပေါင်းရင်းမြစ်များ

زبور 78:60

تنهنڪري هن سيلا شهر واري مقدس جاءِ ۾ پنهنجو رهڻ ڇڏي ڏنو، يعني انهيءَ خيمي کي ڇڏي ڏنائين، جتي هو انسانن جي وچ ۾ رهيو ٿي.

يرمياہ 7:12

هاڻ اوهين ان هنڌ ڏانهن وڃو جيڪو سيلا ۾ آهي، جتي مون پنهنجي نالي سان پهرين رهائش اختيار ڪئي هئي. اوهين وڃي ڏسو تہ اُتي پنهنجي قوم بني اسرائيل سان مون سندن بڇڙائيءَ جي ڪري ڇا ڇا ڪيو.

يشوع 18:1

بني اسرائيل جي سڄي قوم سيلا شهر ۾ اچي گڏ ٿي ۽ اتي خدا سان ملاقات وارو خيمو کوڙيائون. انهيءَ ملڪ تي تہ بني اسرائيل قبضي ڪري چڪا هئا،

قاضين 20:18

پوءِ بني اسرائيل بيت‌ايل شهر ۾ مقدس هنڌ تي ويا ۽ خدا کان ڪڻا وجھي صلاح پڇيائون تہ ”بني بنيامين سان وڙهڻ لاءِ اسان مان پهريائين ڪير چڙهائي ڪري؟“ خداوند چيو تہ ”يهوداہ قبيلو پهريائين وڃي.“

قاضين 21:11

اوهين هيئن ڪجو جو سڀني مردن ۽ پرڻيل عورتن کي ماري ڇڏجو پر ڪنوارين کي نہ مارجو.“

قاضين 21:13

پوءِ قوم وارن بني بنيامين ڏانهن صلح جو پيغام موڪليو، جيڪي رمون جي ٽڪر تي رهيل هئا.

قاضين 21:8

سو هاڻي هو هڪٻئي کان پڇڻ لڳا تہ ”ڇا بني اسرائيل مان ڪو اهڙو گھراڻو آهي جيڪو مصفاہ ۾ خداوند جي حضور ۾ حاضر نہ ٿيو هجي؟“ تڏهن کين معلوم ٿيو تہ جِلعاد جي يبيس شهر مان ڪوبہ اتي ڪونہ آيو هو،