قاضين 20:16 - Muslim Sindhi Bible

¹⁶ اهي ست سؤ چونڊ ماڻهو کاٻڙيا هئا، انهن مان هر هڪ اهڙو تہ نشاني باز هو جو کانڀاڻيءَ سان پٿر اڇلائڻ ۾ وار برابر بہ ان جو نشانو خطا نہ ٿيندو هو.

Sindhi Bible

¹⁶ انهن سڀني مان ست سؤ چونڊيل ماڻهو کاٻڙيا هئا؛ انهن مان هڪڙو هڪڙو اهڙو هو جو کانڀاڻيءَ سان وار جهڙي سنهي شيءِ تي بہ پٿر اُڇلائي نشان چُٽي سگهندو هو، ۽ گسندو ڪين هو.

قاضين 20:16 ပူးပေါင်းရင်းမြစ်များ

1.تواريخ 12:2

هنن جو تعلق بہ سائول واري بنيامين قبيلي سان هو. هو ساڄي يا کاٻي هٿ سان تير ۽ کانڀاڻيءَ سان پٿرن هڻڻ ۾ بہ ماهر هئا.

2.تواريخ 26:14

عُزياہ سڄي لشڪر کي ڍالون، نيزا، سپرون، زرهون، تيرڪمان ۽ کانڀاڻين ۾ هڻڻ لاءِ پٿر جا گولا موجود ڪري ڏنا هئا.

قاضين 20:17

بني بنيامين کان سواءِ بني اسرائيل جا چار لک تلوارباز هئا. اهي سڀ جنگ جا ڄاڻو هئا.

قاضين 3:15

تڏهن بني اسرائيل وري خداوند کي پڪاريو. سو هن سندن لاءِ هڪڙو ڇڏائيندڙ اٿاريو جنهن جو نالو اهود ولد جيرا هو. هو کاٻڙيو هو ۽ بنيامين قبيلي مان هو. بني اسرائيل هن جي هٿان موآب جي بادشاهہ عجلون ڏانهن ڏنُ ڏياري موڪليو.

1.سموئيل 17:40

پوءِ هن پنهنجي لٺ هٿ ۾ کنئي ۽ برساتي نهر مان پنج لسا پٿر چونڊي ڪڍيائين ۽ پنهنجي سامان رکڻ لاءِ وٽس جيڪا ڌنارن واري ڳوٿري هئي تنهن ۾ اهي وڌائين. هن پنهنجي کانڀاڻي هٿ ۾ کنئي ۽ پوءِ هو انهيءَ فلستيءَ ڏانهن وڌي ويو.

1.سموئيل 25:29

توڙي جو ڪو ماڻهو اُٿي توهان جو پيڇو ڪري ۽ توهان جي جان وٺڻ گھري، تڏهن بہ توهان جي جان خداوند توهان جي خدا جي مهربانيءَ سان حياتيءَ جي ڳنڍ ۾ ٻڌل رهندي، پر توهان جي دشمنن جي جانين کي هو ڄڻ کانڀاڻيءَ جي پيچ ۾ رکي پري اڇلائي ڇڏيندو.