قاضين 19:24 - Muslim Sindhi Bible

²⁴ ڏسو، منهنجي ڪنواري ڌيءَ ۽ هن جي عورت ٻئي موجود آهن. آءٌ انهن کي ٻاهر اوهان وٽ وٺي ٿو اچان، اوهين اهي وٺو ۽ جيڪي اوهين چاهيو سو ساڻن ڪريو. پر هن ماڻهوءَ سان اهڙو ڪُڌو ڪم نہ ڪريو.“

Sindhi Bible

²⁴ ڏسو، منهنجي ڪنواري ڌيءَ، ۽ هن جي سريت ٻئي حاضر آهن؛ انهن کي آءٌ ٻاهر وٺي ٿو اچان، اوهين هنن کي بي آبرو ڪريو، ۽ جيڪي اوهان کي مناسب نظر اچي سو ساڻن ڪريو: پر هن شخص سان اهڙو بي عقليءَ جو ڪم متان ڪريو.

قاضين 19:24 ပူးပေါင်းရင်းမြစ်များ

پيدائش 19:8

ڏسو، منهنجيون ٻہ ڌيئر آهن جيڪي اڃا تائين ڪنواريون آهن. جيڪڏهن چئو تہ آءٌ انهن کي اوهان وٽ ٻاهر وٺي اچان، پوءِ جيئن اوهان کي وڻي تيئن انهن سان ڪريو. پر هنن ماڻهن کي ڪجھہ بہ نہ ڪريو. هو منهنجا مهمان ٿي منهنجي گھر ۾ آيا آهن.“

پيدائش 34:2

جڏهن انهيءَ علائقي جي حاڪم حمور حِويءَ جي پٽ سڪم هن کي ڏٺو تہ کيس پڪڙي وڃي آبرو لُٽيائينس.

رومين 3:8

پوءِ اوهين بہ ڇو نہ چئو تہ ”اسين بڇڙا ڪم ڪريون تہ انهيءَ مان ڀلائي ٿئي.“ ڪي ماڻهو اسان تي اها تهمت هڻن بہ ٿا تہ اها تعليم اسان جي آهي. اهڙن تهمت هڻندڙن کي ڏوهاري قرار ڏيڻ انصاف آهي.

شريعت جو دور 21:14

پوءِ جيڪڏهن هو انهيءَ مان خوش نہ ٿئي تہ کيس ڇڏي ڏئي تہ جيڏانهن وڻيس اوڏانهن هلي وڃي. پر هو کيس پئسن تي هرگز نہ وڪڻي، نڪي ساڻس ٻانهيءَ جهڙي هلت ڪري، ڇاڪاڻ تہ هوءَ ڪڏهن سندس ننگ هئي.“

قاضين 19:25

پر هنن سندس ڳالهہ نہ مڃي. سو انهيءَ بني لاويءَ پنهنجي سريت کي پڪڙي گھر کان ٻاهر ڪڍي هنن جي حوالي ڪئي. هنن انهيءَ سان زوريءَ زنا ڪئي ۽ سڄي رات ساڻس بڇڙي هلت ڪيائون. جڏهن پرهہ ڦٽڻ لڳي تڏهن هنن کيس ڇڏي ڏنو.