قاضين 19:1 - Muslim Sindhi Bible

¹ جن ڏينهن ۾ بني اسرائيل تي ڪوبہ بادشاهہ ڪونہ هو، تن ڏينهن جي ڳالهہ آهي تہ افرائيم جي جابلو علائقي جي پرانهين پنڌ تي هڪڙو لاوي رهندو هو، جنهن يهوداہ واري بيت‌لحم شهر مان هڪڙي عورت سُريت ڪري پاڻ وٽ رکي هئي.

Sindhi Bible

¹ انهن ڏينهن ۾ اسرائيل ۾ ڪوبہ بادشاهہ ڪونہ هو، ۽ هيئن ٿيو تہ افرائيم جي ڪوهستان جي پرين پاسي هڪڙو لاوي رهندو هو، جنهن بيت لحم يهوداہ جي هڪڙي زال سريت ڪري پاڻ وٽ رکي هئي.

قاضين 19:1 ပူးပေါင်းရင်းမြစ်များ

پيدائش 22:24

تنهن کان سواءِ نحور جي ويهاريل زال روماہ کي بہ منجھانئس طِبح، جاحم، تخس ۽ معڪاہ نالي پٽ ڄاوا.

پيدائش 25:6

پر ٻين زالن جي پٽن کي بہ ابراهيم بخششون ڏنيون. پوءِ پنهنجي جيئري ئي انهن کي پنهنجي پٽ اسحاق کان ڌار ڪري اوڀر طرف واري ملڪ ڏانهن روانو ڪري ڇڏيائين.

پيدائش 35:19

سو راخل مري ويئي ۽ کيس اِفرات يعني بيت‌لحم جي دڳ تي دفن ڪيو ويو.

2.سموئيل 16:22

سو ابي‌سلوم جي لاءِ محل جي ڇت تي خيمو لڳايو ويو ۽ سڄي بني اسرائيل ڏٺو تہ هو کُليو کُلايو اندر وڃي پنهنجي پيءُ جي سريتن سان هم‌بستر ٿي ٿيو.

2.سموئيل 19:5

تڏهن يوآب بادشاهہ جي گھر ۾ گھڙي آيو ۽ کيس چوڻ لڳو تہ ”تو اڄ پنهنجي انهن سڀني لشڪر وارن کي شرمندو ڪيو آهي، جن تنهنجي حياتي، تنهنجي پٽن ۽ ڌيئرن جون حياتيون ۽ تنهنجين زالن ۽ سريتن جون حياتيون بچايون.

2.سموئيل 20:3

دائود جڏهن يروشلم ۾ پنهنجي محلات ۾ آيو، تڏهن هن پنهنجي انهن ڏهن سريتن، جن کي هو محلات جي سنڀال لاءِ ڇڏي ويو هو، تن کي هڪڙي گھر ۾ کڻي بند ڪيو. هن انهن جي کاڌي خوراڪ جو انتظام ڪري ڇڏيو، پر ساڻن هم‌بستر نہ ٿيو. اهڙيءَ طرح اهي مرڻ گھڙيءَ تائين بند رهيون ۽ رنن‌زالن جهڙي زندگي گذارينديون رهيون.

2.سموئيل 3:7

سائول جي رصفاہ نالي هڪڙي سريت هئي، جيڪا اياہ جي ڌيءَ هئي. هڪڙي ڏينهن سائول جي پٽ اشبوست ابنير کي چيو تہ ”تون منهنجي پيءُ جي سريت سان ڇو ستو آهين؟“

2.سموئيل 5:13

حبرون مان اچڻ کان پوءِ دائود يروشلم ۾ پنهنجي لاءِ ڪيتريون ئي سريتون رکيون ۽ زالون پرڻيو، جن مان کيس وڌيڪ پٽ ۽ ڌيئرون ڄايون.

1.بادشاهَہ 11:3

هن کي ست سؤ زالون هيون جيڪي شهزاديون هيون ۽ ٽي سؤ سريتيون هئس. هن جي زالن سندس دل کي ڦيرائي ڇڏيو.

1.بادشاهَہ 4:8

انهن جا نالا ۽ سندن علائقا هي آهن: بن‌حور: افرائيم جي جابلو علائقي مٿان.

2.تواريخ 11:21

هن کي جملي ارڙهن زالون ۽ سٺ سريتون هيون، جن مان کيس اٺاويهہ پٽ ۽ سٺ ڌيئر ڄايون. رحبعام پنهنجين سڀني زالن ۽ سريتن کان وڌيڪ ابي‌سلوم جي ڌيءَ معڪہ سان محبت ڪندو هو.

آستر 2:14

هوءَ شام جو شهنشاهہ وٽ ويندي هئي ۽ صبح جو اُتان موٽي ٻئي حرم خاني ۾ ويندي هئي جتان جو ناظم شعشجز خواجہ‌سرا هوندو هو. هو شهنشاهہ جي سريتن جو نگران هو. اُها ڇوڪري وري ٻيهر شهنشاهہ وٽ موٽي نہ ويندي هئي، ايستائين جو شهنشاهہ انهيءَ مان پاڻ خوش هجي ۽ سندس نالو وٺي کيس ٻيهر نہ سڏائي.

دانيال 5:3

تڏهن اهي سونا ٿانوَ آڻي حاضر ڪيا ويا، جن ۾ انهن سڀني مئي پيتي.

ملاڪيءَ 2:15

ڇا خدا اوهان ٻنهي کي انهيءَ واعدي موجب گڏجي هڪ بدن ۽ هڪ روح ٿيڻ لاءِ نہ چيو آهي؟ خدا اهو انهيءَ لاءِ ڪيو، تہ جيئن اوهان مان اهڙا ٻار پيدا ٿين جيڪي خدا جا هجن. سو اوهان کي انهيءَ واعدي جي سنڀال ڪرڻي آهي.

متي رسول جي معرفت پاڪ انجيل 2:6

’اي بيت‌لحم! يهوديہ جي ملڪ ۾، تون ڪنهن بہ طرح يهوديہ جي شهزادن مان ڪنهن کان بہ ننڍو نہ آهين، ڇاڪاڻ تہ تو منجھان هڪ حاڪم نڪرندو، جيڪو منهنجي قوم بني اسرائيل جي رهبري ڪندو.‘“

يشوع 24:30

هنن کيس سندس ورثي طور مليل زمين ۾ تمنت‌سرح ڳوٺ ۾ دفن ڪيو، جيڪو جعس جبل جي اترئين پاسي افرائيم جي جابلو علائقي ۾ آهي.

يشوع 24:33

هارون جي پٽ اليعزر وفات ڪئي ۽ کيس انهيءَ ٽڪريءَ تي دفن ڪيو ويو، جيڪا سندس پٽ فينحاس کي افرائيم جي جابلو علائقي ۾ ڏني ويئي هئي.

قاضين 12:8

افتاح کان پوءِ بيت‌لحم وارو ابصان بني اسرائيل جو رهبر بڻيو.

قاضين 17:1

ميڪاہ نالي هڪڙو شخص هو جيڪو افرائيم جي جابلو علائقي جو رهاڪو هو.

قاضين 17:6

انهن ڏينهن ۾ بني اسرائيل تي ڪوبہ بادشاهہ ڪونہ هو. سو جنهن کي جيڪي وڻيو ٿي تنهن سو ئي ڪيو ٿي.

قاضين 17:7

تن ڏينهن ۾ هڪڙو جوان بني لاوي يهوداہ جي بيت‌لحم شهر ۾ رهندو هو.

قاضين 17:8

اُهو جوان ڪنهن ٻئي هنڌ وڃي رهڻ لاءِ اتان روانو ٿيو. هو سفر ڪندو افرائيم جي جابلو علائقي ۾ ميڪاہ جي گھر آيو.

قاضين 18:1

انهن ڏينهن ۾ بني اسرائيل ۾ ڪوبہ بادشاهہ ڪونہ هو. انهن ئي ڏينهن ۾ دان قبيلي وارا انهيءَ ڳولا ۾ هئا تہ پنهنجي رهائش لاءِ ڪو علائقو هٿ ڪن، ڇاڪاڻ تہ هنن کي اڃا تائين بني اسرائيل جي قبيلن منجھہ ڪو علائقو ڪونہ مليو هو.

قاضين 18:13

اتان هلي هو افرائيم جي جابلو علائقي ۾ آيا جتي ميڪاہ جو گھر هو.

قاضين 19:16

هو اڃا اتي ويٺا ئي هئا تہ هڪڙو پوڙهو مرد پنهنجي ٻنيءَ مان ڪم تان موٽيو پئي آيو. اهو ماڻهو اصل ۾ افرائيم جي جابلو علائقي جو هو، پر پوءِ هو جِبعت ۾ اچي رهيو هو، جڏهن تہ جِبعت جا ٻيا رهاڪو بني بنيامين هئا.

قاضين 19:2

هڪڙي ڏينهن هوءَ کانئس ناراض ٿي هن وٽان نڪري يهوداہ واري بيت‌لحم شهر ۾، پنهنجي پيءُ جي گھر هلي ويئي. اُتي هوءَ چار مهينا کن رهي پيئي هئي.

قاضين 21:25

انهن ڏينهن ۾ بني اسرائيل تي ڪوبہ بادشاهہ ڪونہ هو، هر ڪو ماڻهو جيئن هن کي مناسب نظر ايندو هو تيئن ئي ڪندو هو.

قاضين 3:27

جڏهن هو افرائيم جي جابلو علائقي ۾ آيو تڏهن هن جنگ لاءِ نفيل وڄائي بني اسرائيل کي سڏيو. پوءِ بني اسرائيل اهود جي اڳواڻيءَ ۾ جابلو علائقي مان لهي هيٺ آيا.