قاضين 18:27 - Muslim Sindhi Bible

^27-28 پوءِ بني دان ميڪاہ جي ٺاهيل شين ۽ سندس ڪاهن سميت بيت‌رحوب واري ماٿريءَ جي شهر ليس ۾ بي‌خوف وَ خطر ۽ امن ۾ رهندڙ ماڻهن جي مٿان اچي ڪڙڪيا. انهن کي تلوار جي ڌار سان ماريائون ۽ پوءِ سندن شهر کي باهہ ڏيئي ساڙي ڇڏيائون. ڪوبہ انهن کي ڇڏائڻ وارو ڪونہ هو، ڇاڪاڻ تہ صيدا کان سندن شهر ليس پري هو ۽ انهن ماڻهن جو ڪنهن ٻئي سان بہ ڪو واسطو ئي ڪونہ هو. بني دان اهو شهر وري ٻڌو ۽ منجھس رهڻ لڳا.

Sindhi Bible

²⁷ ۽ هو جيڪي ميڪاہ جوڙيو هو سو، ۽ جيڪو ڪاهن وٽس هو سو، وٺي ليس ۾ انهن ماڻهن تي اچي پيا، جي آرام ۽ امن ۾ ويٺا هئا؛ ۽ انهن کي ترار جي ڌار سان ماريائون، ۽ انهن جو شهر باهہ سان ساڙي ڇڏيائون.

قاضين 18:27 ပူးပေါင်းရင်းမြစ်များ

پيدائش 49:16

اي دان! تنهنجو اولاد مون اسرائيل جي ٻين قبيلن وانگر، پنهنجي ماڻهن جي عدالت پاڻ ڪندو.

شريعت جو دور 33:22

دان قبيلي بابت هن چيو تہ ”بني دان جيڪي بسن علائقي جا رهاڪو آهن، سي اتان نڪري دشمنن تي جوان شينهن جيان حملو ڪن ٿا.“

يشوع 11:11

انهيءَ ۾ جيڪي بہ ماڻهو هئا تن سڀني کي تلوار جي ڌار سان ماري ڇڏيائون، ڪنهن کي بہ جيئرو نہ ڇڏيو ويو ۽ شهر کي باهہ ڏيئي ساڙي ڇڏيائون.

يشوع 19:47

جيئن تہ بني دان کي پنهنجو علائقو پنهنجي هٿ هيٺ رکڻ ڏکيو هو، تنهنڪري هنن اتر ۾ ليس شهر تي وڃي حملو ڪيو. اتي جي رهندڙن کي تلوار سان ماري، انهيءَ تي قبضو ڪيائون. پوءِ هو ليس ۾ ئي آباد ٿيا ۽ انهيءَ جو نالو بدلائي پنهنجي ابي ڏاڏي جي نالي پٺيان دان رکيائون.

قاضين 18:10

جڏهن اوهين اتي پهچندا تڏهن هڪڙي بي‌خوف وَ خطر قوم ڏسندا. سندن ملڪ ڪشادو آهي جيڪو خداوند اوهان جي هٿ ۾ ڏيئي ڇڏيو آهي، جنهن ۾ ڪنهن بہ شيءِ جي ڪمي نہ آهي.“

قاضين 18:26

ائين چئي بني دان پنهنجي واٽ وٺي هليا ويا. ميڪاہ جڏهن ڏٺو تہ هو کانئس ڏاڍا آهن تڏهن هو موٽي پنهنجي گھر هليو ويو.

قاضين 18:7

سو اهي پنج ئي ڄڻا اُتان روانا ٿيا ۽ ليس شهر ۾ آيا. اُتي ڏٺائون تہ صيدانين وانگر ماڻهن امن ۽ آرام ۾ پئي گذاريو. انهن جي ملڪ ۾ ڪنهن بہ قسم جي ڪمي ڪانہ هئي، تنهنڪري هو ڏاڍا خوشحال هئا. هو صيدانين کان گھڻو پري هئا ۽ ٻئي ڪنهن سان بہ ڪو واسطو نہ هئن.

قاضين 8:11

سو جِدعون نبح ۽ يُگبهاہ شهر جي اوڀر طرف خانہ‌بدوشن وارو رستو وٺي وڃي اوچتو لشڪر تي حملو ڪري ڏنو، ڇاڪاڻ تہ اهي بي‌فڪر ويٺا هئا.