قاضين 11:26 - Muslim Sindhi Bible

²⁶ جڏهن تہ بني اسرائيل حشبون، عروعير ۽ انهن جي آس‌پاس وارن ڳوٺن ۽ برساتي نهر ارنون جي ڪناري وارن سڀني شهرن ۾ ٽي سؤ سالن کان رهيا پيا آهن، تڏهن ڇو ايتري عرصي ۾ اوهان انهن کان اهي موٽائي نہ ورتا آهن؟

Sindhi Bible

²⁶ جڏهن اسرائيلي حسبون ۽ ان جي شهرن ۾، عروعير ۽ ان جي شهرن ۾، ۽ ارنون جي پاسي جيڪي شهر آهن، تن سڀني ۾ ٽن سؤ سالن تائين رهيا پيا هئا؛ تڏهن ڇو ايتري عرصي ۾ اُهي اوهان هنن کان موٽائي نہ ورتا؟

قاضين 11:26 ပူးပေါင်းရင်းမြစ်များ

يرمياہ 48:19

اي عروعير شهر جا رهاڪؤ! رستي جي ڀر ۾ بيهي نظر ڦيرايو. موآب ملڪ کان ڀڄي نڪرندڙ هر مرد ۽ عورت کان پڇو تہ ’ڇا ٿيو آهي؟‘

سنتن جا ڪم 13:19

تڏهن هن ڪنعان ملڪ ۾ رهندڙ ستن قومن کي ناس ڪري بني اسرائيل کي ان ملڪ جو مالڪ بڻايو.

شريعت جو دور 2:24

موسيٰ وڌيڪ چيو تہ ”موآب مان لنگھي وڃڻ کان پوءِ خداوند اسان کي فرمايو تہ ’هاڻي اوهين اُٿي روانا ٿيو ۽ برساتي نهر ارنون مان لنگھي پار وڃو. ياد رکو، مون حشبون جي اموري بادشاهہ سيحون کي سندس ملڪ سميت اوهان جي هٿ ۾ ڏيئي ڇڏيو آهي. تنهنڪري اوهين انهيءَ جي ملڪ تي قبضو ڪرڻ شروع ڪريو ۽ ساڻس جنگ ڪريو.

شريعت جو دور 2:36

برساتي نهر ارنون جي ڪناري واري شهر عروعير ۽ نهر جي وچ واري شهر کان وٺي جِلعاد تائين اهڙو ڪوبہ شهر ڪونہ هو جيڪو اسان جي قبضي ۾ نہ آيو. خداوند اسان جي خدا، اهي سڀيئي شهر اسان جي حوالي ڪيا.

شريعت جو دور 3:2

تڏهن خداوند مون کي چيو تہ ’هن کان نہ ڊڄو. مون هن کي، سندس سڀني ماڻهن کي ۽ سندس سڄي ملڪ کي توهان جي هٿ ۾ ڏيئي ڇڏيو آهي. توهين هن سان بہ ائين ئي ڪجو جيئن توهان امورين جي بادشاهہ سيحون سان ڪيو هو، جيڪو حشبون تي راڄ ڪندو هو.‘

شريعت جو دور 3:6

جيئن اسان حشبون جي بادشاهہ سيحون سان ڪيو هو، تيئن ئي اسان هنن سڀني آباد شهرن کي مردن، عورتن ۽ ٻارن سميت بلڪل برباد ڪري ڇڏيو.

يشوع 12:2

هڪڙو امورين جو بادشاهہ سيحون هو جيڪو حشبون ۾ ويهي پنهنجي ملڪ تي راڄ ڪندو هو. سندس بادشاهي برساتي نهر ارنون جي ڪناري واري شهر عروعير ۽ انهيءَ نهر جي وچ واري شهر کان وٺي ويندي برساتي نهر يبوق تائين هئي، جيڪا عمونين جي سرحد آهي. ان ۾ اڌ جِلعاد بہ شامل هو.

يشوع 12:5

سندس بادشاهي حرمون جبل، سلڪہ ۽ جسُورين ۽ معڪاتين جي سرحد تائين سڄي بسن، جِلعاد جي باقي اڌ يعني حشبون شهر جي بادشاهہ سيحون جي علائقي جي سرحد تائين هئي.

يشوع 13:10

۽ امورين جي بادشاهہ سيحون جيڪو حشبون تي راڄ ڪندو هو تنهن جا سڀ شهر، ويندي بني عمون جي سرحد تائين.

يشوع 13:16

عروعير جيڪو برساتي نهر ارنون جي ڪناري تي آهي ۽ جيڪو شهر انهيءَ نهر جي وچ ۾ آهي تن کان وٺي ميدبا شهر جي ڀر واري سڄي ميدان سميت.

يشوع 13:17

انهيءَ ۾ حشبون ۽ ان جا ميدان وارا سڀ شهر شامل آهن يعني ديبون، بامات‌بعل ۽ بيت‌بعل‌معون،

يشوع 23:1

گھڻو عرصو گذري چڪو هو ۽ خداوند بني اسرائيل کي آس‌پاس وارن دشمنن کان آرام ڏنو هو. تنهن وقت ڌاري يشوع پيرسن ۽ وڏيءَ عمر جو ٿي ويو هو.

قاضين 10:8

اهي انهيءَ سال کان وٺي لاڳيتو ارڙهن سالن تائين جِلعاد علائقي ۾ اردن درياءَ جي اوڀر طرف جتي اموري پڻ رهندا هئا، بني اسرائيل تي ظلم ڪندا ۽ کين ستائيندا رهيا.

قاضين 3:11

سو ڪنعان ملڪ ۾ چاليهن سالن تائين امن وَ سڪون رهيو. پوءِ غتني‌ايل وفات ڪئي.

قاضين 3:30

تنهن ڏينهن بني اسرائيل موآب قوم تي قبضو ڪري ورتو ۽ اسي سالن تائين ملڪ ۾ امن وَ سڪون رهيو.

قاضين 5:31

اي خداوند! ڀل تنهنجا سڀ دشمن ائين برباد ٿين. تو کي پيار ڪرڻ وارا ڀل انهيءَ سج جيان هجن، جيڪو پوري آب وَ تاب سان اُڀري ٿو.“ پوءِ ملڪ ۾ چاليهن سالن تائين امن وَ امان رهيو.

قاضين 8:28

اهڙيءَ طرح مديانين بني اسرائيل جي هٿان شڪست کاڌي ۽ وري پنهنجا منهن مٿي نہ ڪيائون. انهيءَ ملڪ ۾ جِدعون جي حياتيءَ ۾ چاليهہ سال امن وَ سڪون رهيو.

قاضين 9:22

ابيملڪ بني اسرائيل مٿان ٽي سال بادشاهي ڪئي.