عبرانين 9:21 - Muslim Sindhi Bible

²¹ پوءِ موسيٰ ساڳيءَ طرح مقدس خيمي ۽ عبادت جي سڀني شين تي بہ رت ڇٽڪاريو.

Sindhi Bible

²¹ تنهن کانسواءِ هن تنبو ۽ عبادت جي سڀني ٿانوَن تي بہ ساڳيءَ طرح رت ڇٽڪاريو.

Hindu Sindhi Bible

²¹ پوءِ موسيٰ ساڳيءَ طرح پوِتر خيمي ۽ ڀڳتيءَ جي سڀني شين تي بہ رت ڇٽڪاريو.

Common Language New Testament

²¹ ساڳيءَ طرح موسيٰ مقدس خيمي ۽ عبادت جي سڀني شين تي رت ڇٽڪاريو.

عبرانين 9:21 ပူးပေါင်းရင်းမြစ်များ

خروج 24:6

موسيٰ رت جو اڌ کڻي ٿالهن ۾ وڌو ۽ ٻيو اڌ قربان‌گاهہ تي ڇٽڪاريو.

خروج 29:12

وهڙي جو ٿورو رت کڻي پنهنجيءَ آڱر سان قربان‌گاهہ جي سڱن تي لائج ۽ باقي سمورو رت قربان‌گاهہ جي پاڙ ۾ هاري ڇڏج.

خروج 29:20

تڏهن انهيءَ گھٽي کي ذبح ڪري، ان جو ڪجھہ رت کڻي، هارون ۽ سندس پٽن جي ساڄي ڪن جي پاپڙين تي، سندن ساڄي هٿ جي آڱوٺن تي ۽ سندن ساڄي پير جي آڱوٺن تي لائج. باقي سمورو رت قربان‌گاهہ جي چئني پاسن تي ڇٽڪاري ڇڏج.

خروج 29:36

تون هر روز پاڪ ٿيڻ واسطي قربانيءَ لاءِ هڪڙو وهڙو پنهنجي ڪفاري طور قربان ڪري قربان‌گاهہ کي پاڪ ڪج، پوءِ مٿس تيل مکي انهيءَ کي مخصوص ڪج.

خروج 40:9

پوءِ تون مسح ڪرڻ وارو تيل کڻي مقدس خيمي ۽ انهيءَ ۾ اندر موجود سڀني شين کي مسح ڪري مخصوص ڪج. اهڙيءَ طرح انهيءَ کي ۽ انهيءَ جي سموري سامان کي پاڪ ڪج، تڏهن اهو مخصوص ٿي ويندو.

لاوي سرشتو 8:15

تڏهن موسيٰ انهيءَ کي ذبح ڪيو ۽ انهيءَ جو رت کڻي پنهنجيءَ آڱر سان قربان‌گاهہ جي چئني سڱن تي لڳائي قربان‌گاهہ کي پاڪ ڪيائين. باقي رت هن قربان‌گاهہ جي پاڙ ۾ هاري ڇڏيو. اهڙيءَ طرح هن انهيءَ جو ڪفارو ڏنو تہ جيئن اها مخصوص ٿئي.

لاوي سرشتو 8:19

تڏهن موسيٰ انهيءَ کي ذبح ڪيو ۽ انهيءَ جو رت قربان‌گاهہ جي چئني پاسن تي ڇٽڪاريائين.

لاوي سرشتو 9:18

هن قوم جي لاءِ سلامتيءَ جي قربانيءَ طور ڏاند ۽ گھٽو بہ ذبح ڪيو. سندس پٽن انهيءَ جو رت وٽس آڻي پيش ڪيو، جيڪو هن قربان‌گاهہ جي چئني پاسن تي ڇٽڪاريو.