عبرانين 13:11 - Muslim Sindhi Bible

¹¹ ڏسو، اڳئين انتظام مطابق جن جانورن جو رت سردار ڪاهن هر سال گناهن جي ڪفاري جي لاءِ مقدس ترين جاءِ ۾ کڻي ويندو آهي، تن جا جسم قوم جي رهائش واري خيمي‌گاهہ جي ٻاهران ساڙيا ويندا آهن.

Sindhi Bible

¹¹ ڇالاءِ جو جن جانورن جو رت سردار ڪاهن پاڪ جاءِ ۾ گناهہ جي ڪفاري جي لاءِ کڻي ٿو وڃي، تن جا لاشا منزلگاهہ جي ٻاهر ساڙيا ٿا وڃن.

Hindu Sindhi Bible

¹¹ ڏسو، اڳئين انتظام مطابق جن جانورن جو رت سردار ڪاهن هر سال پاپن جي ڪفاري جي لاءِ پوِتر ترين جاءِ ۾ کڻي ويندو آهي، تن جا شرير قوم جي رهائش واري خيمي‌گاهہ جي ٻاهران ساڙيا ويندا آهن.

Common Language New Testament

¹¹ ڇالاءِ⁠جو جن جانورن جو رت سردار ڪاھن گناھن جي ڪفاري جي لاءِ مقدس ترين جاءِ ۾ کڻي ٿو وڃي، تن جا بدن خيمي⁠گاھہ جي ٻاھران ساڙيا ٿا وڃن.

عبرانين 13:11 ပူးပေါင်းရင်းမြစ်များ

خروج 29:14

پر وهڙي جو گوشت، کل ۽ سندس اوجھہ خيمي‌گاهہ کان ٻاهر ساڙيا وڃن، ڇاڪاڻ تہ اها پاڪ ٿيڻ واسطي قرباني آهي.

حزقي ايل 43:21

پوءِ انهيءَ ڪُٺل وهڙي کي کڻي هيڪل جي چوديواريءَ کان ٻاهر مقرر ڪيل جاءِ تي ساڙيو وڃي.

لاوي سرشتو 16:27

پاڪ ٿيڻ واسطي قربانيءَ وارو وهڙو ۽ ٻڪر، جن جو رت ڪفاري ادا ڪرڻ لاءِ مقدس ترين جاءِ ۾ آندو ويو هو، تن جي جسمن کي خيمي‌گاهہ کان ٻاهر کڻي وڃي انهن جي کلن، گوشت ۽ اوجھہ سميت ساڙي ڇڏجي.

لاوي سرشتو 6:11

پوءِ هو پنهنجي اها خاص پوشاڪ لاهي ٻي پائي ۽ اتان اها رک کڻي خيمي‌گاهہ کان ٻاهر ڪنهن پاڪ جاءِ تي وڃي رکي.

لاوي سرشتو 6:30

پر جنهن پاڪ ٿيڻ واسطي قربانيءَ جو رت مقدس جاءِ ۾ ڪفاري ادا ڪرڻ لاءِ آندو وڃي، تنهن جو گوشت بلڪل نہ کاڌو وڃي، بلڪ اهو ساڙيو وڃي.“

لاوي سرشتو 9:11

باقي گوشت ۽ کل هن خيمي‌گاهہ کان ٻاهر ساڙي ڇڏيا.

لاوي سرشتو 9:9

هارون جي پٽن انهيءَ جو رت وٽس آڻي پيش ڪيو ۽ هن پنهنجي آڱر انهيءَ رت ۾ ٻوڙي قربان‌گاهہ جي سڱن تي لڳايو ۽ باقي رت قربان‌گاهہ جي پاڙ ۾ هاري ڇڏيائين.

ڳاڻاٽو 19:3

اوهين اها آڻي اليعزر ڪاهن کي ڏيو. هو انهيءَ کي خيمي‌گاهہ کان ٻاهر ڪاهي وڃي ۽ اها هن جي روبرو ذبح ڪئي وڃي.

ڳاڻاٽو 19:7

پوءِ ڪاهن پنهنجا ڪپڙا ڌوئي ۽ وهنجي. تنهن کان پوءِ هو ڀلي خيمي‌گاهہ ۾ اچي. پر تنهن هوندي بہ اهو ڪاهن شام تائين ناپاڪ رهندو.