پيدائش 38:5 - Muslim Sindhi Bible

⁵ هن کي وري بہ هڪڙو پٽ ڄائو جنهن جو نالو شيلاہ رکيائين. جڏهن اهو پٽ ڄايس تڏهن هوءَ ڪزيب ۾ رهندي هئي.

Sindhi Bible

⁵ ۽ هن کي وري بہ هڪڙو پٽ ڄائو، جنهن جو نالو سيلہ رکيائين. جڏهن هو ڄائو، تڏهن يهوداہ ڪزيب ۾ رهندو هو.

پيدائش 38:5 ပူးပေါင်းရင်းမြစ်များ

پيدائش 38:11

تڏهن يهوداہ پنهنجي نُنهن تمر کي چيو تہ ”جيستائين منهنجو پٽ شيلاہ وڏو ٿئي تيستائين پنهنجي پيءُ جي گھر ۾ رن‌زال ٿي گذار،“ ڇاڪاڻ تہ هو ڊنو ٿي تہ متان شيلاہ بہ پنهنجي ڀائرن وانگر مري وڃي. سو تمر پنهنجي پيءُ جي گھر ۾ وڃي رهڻ لڳي.

پيدائش 38:26

يهوداہ اهي شيون سڃاتيون ۽ چيائين تہ ”آءٌ نہ بلڪ هوءَ حق تي آهي، ڇوجو مون هن کي پنهنجي پٽ شيلاہ سان نہ پرڻايو.“ انهيءَ کان پوءِ يهوداہ ساڻس وري نہ ستو.

پيدائش 38:6

يهوداہ پنهنجي وڏي پٽ عير کي زال پرڻائي جنهن جو نالو تمر هو.

پيدائش 46:12

سندس چوٿون پٽ يهوداہ هو جنهن جا پٽ هي هئا: شيلاہ، فارص ۽ زارح. پر يهوداہ جا ٻہ ٻيا پٽ عير ۽ اونان اڳ ۾ ئي ڪنعان جي ملڪ ۾ مري ويا هئا. فارص جا پٽ حصرون ۽ حمول هئا.

1.تواريخ 2:3

يهوداہ جا جملي پنج پٽ هئا. انهن مان عير، اونان ۽ شيلاہ کيس بتسوع نالي هڪ ڪنعاني عورت مان ڄاوا هئا. عير يهوداہ جو پهريتو پٽ هو جيڪو خداوند جي نظر ۾ بدڪار هو، جنهن کي خداوند ماري ڇڏيو هو.

1.تواريخ 4:21

شلاہ ولد يهوداہ جو اولاد هي هو: عير، لعدہ، يوقيم، يوآش، شراف ۽ ڪوزيبا ڳوٺ جا رهاڪو. عير لڪہ ڳوٺ جو باني هو. لعدہ مريسہ ڳوٺ جو باني ۽ سنهي وٽيل سڻيءَ جو ڪپڙو اڻندڙن جي گھراڻن جو وڏو هو، جيڪي بيت‌اشبيع جا رهاڪو هئا. يوآش ۽ شراف موآب جا حڪمران بڻيا ۽ پوءِ بيت‌لحم ۾ آباد ٿي ويا. هي لکتون پراڻي زماني جون آهن.

ڳاڻاٽو 26:19

يهوداہ جي قبيلي مان شيلاہ جو نسل، فارص جو نسل، زارح جو نسل ۽ فارص جي پٽن مان حصرون جو نسل ۽ حمول جو نسل هو. جڏهن تہ يهوداہ جي پٽن مان ٻہ ڄڻا عير ۽ اونان ڪنعان جي ملڪ ۾ ئي مري ويا هئا.