حزقي ايل 48:13 - Muslim Sindhi Bible

¹³ ڪاهنن جي انهيءَ حصي سان لڳولڳ اتر طرف لاوين جو حصو هوندو، جنهن جي ڊيگھہ اوڀر کان اولهہ طرف ساڍا ٻارهن ڪلوميٽر ۽ ويڪر اتر کان ڏکڻ طرف پنج ڪلوميٽر هوندي.

Sindhi Bible

¹³ ۽ ڪاهنن جي سرحد جي سامهون انهي موافق لاوين کي پنجويهہ هزار ڊيگهہ ۾، ۽ ڏهہ هزار ويڪر ۾، حصو ملندو: ڪل ڊيگهہ پنجويهہ هزار ٿيندي ۽ ويڪر ڏهہ هزار.

حزقي ايل 48:13 ပူးပေါင်းရင်းမြစ်များ

خروج 23:19

اوهين پنهنجي زمين جي پهرين پيداوار جو بهترين ڀاڱو مون خداوند پنهنجي خدا جي گھر ۾ آڻيو. اوهين ڇيلي کي سندس ماءُ جي کير ۾ نہ رڌيو.“

حزقي ايل 45:3

انهيءَ مخصوص ڪيل ايراضيءَ جو ڏکڻ وارو اڌ جيڪو ڊيگھہ ۾ ساڍا ٻارهن ڪلوميٽر ۽ ويڪر ۾ پنج ڪلوميٽر ماپ جو هوندو، سو مقدس هيڪل لاءِ وقف هوندو، جنهن ڪري اهو حصو سڀني کان وڌيڪ پاڪ هوندو.

حزقي ايل 45:5

مون لاءِ مخصوص ٿيل زمين جو ٻيو اتر وارو حصو جيڪو پڻ ساڍا ٻارهن ڪلوميٽر ڊگھو ۽ پنج ڪلوميٽر ويڪرو هوندو، سو هيڪل جي لاوي خدمتگارن لاءِ وقف هوندو، جتي اهي پنهنجا ڳوٺ ٺاهي انهن ۾ رهندا.

حزقي ايل 48:12

سو ملڪ ۾ مون لاءِ مخصوص ٿيل ايراضيءَ مان اهو حصو انهن ڪاهنن لاءِ وقف هوندو، ۽ اهو پاڪ ترين حصو هوندو.

حزقي ايل 48:14

انهيءَ حصي مان لاوي ڪو ٽڪرو وڪڻي نہ سگھندا، نڪي مٽا سٽا ڪري سگھندا ۽ نہ وري انهيءَ زمين کي ڪنهن ٻئي جي حوالي ڪري سگھندا، ڇاڪاڻ تہ اها خاص زمين مون خداوند لاءِ مخصوص هوندي.

لاوي سرشتو 25:34

پر سندن شهرن جي پسگردائيءَ واري چاري واري ٻني بلڪل نہ وڪڻي سگھبي، ڇاڪاڻ تہ اها هنن جي دائمي ملڪيت آهي.“

لوقا 10:7

پوءِ انهيءَ ئي گھر ۾ ايستائين رهي پئجو جيستائين انهيءَ شهر مان روانا نہ ٿيو. رهڻ لاءِ گھر گھر نہ ڦرندا رهجو. هو جيڪي ڪجھہ اوهان کي ڏين سو کائجو ۽ پيئجو، ڇو تہ مزدور پنهنجي مزدوريءَ جو حقدار آهي.

شريعت جو دور 12:19

خبردار، جيستائين اوهين انهيءَ ملڪ ۾ جيئرا آهيو، تيستائين لاوين کي نہ وسارجو.