حزقي ايل 48:10 - Muslim Sindhi Bible

¹⁰ آءٌ خداوند پنهنجي انهيءَ مخصوص ٿيل ايراضيءَ جو ڏکڻ وارو اڌ حصو ڪاهنن لاءِ وقف ڪندس. اوڀر کان اولهہ طرف سندن حصو ساڍا ٻارهن ڪلوميٽر ڊگھو هوندو ۽ اتر کان ڏکڻ طرف انهيءَ جي ويڪر پنج ڪلوميٽر هوندي. منهنجي هيڪل انهيءَ حصي جي وچ ۾ هوندي.

Sindhi Bible

¹⁰ ۽ اهو وقف وارو پاڪ حصو انهن لاءِ، يعني ڪاهنن لاءِ ٿيندو؛ اُتر ڏانهن پنجويهہ هزار ڊيگهہ ۾، اُلهندي ڏانهن ڏهہ هزار ويڪر ۾، ۽ اُڀرندي ڏانهن ڏهہ هزار ويڪر ۾، ۽ ڏکڻ ڏانهن پنجويهہ هزار ڊيگهہ ۾: ۽ خداوند جو پاڪ مڪان انهي جي وچ ۾ ٿيندو.

حزقي ايل 48:10 ပူးပေါင်းရင်းမြစ်များ

پيدائش 13:14

لوط جي ڌار ٿيڻ کان پوءِ، خداوند ابرام کي چيو تہ ”جتي تون بيٺو آهين اتان چئني طرفن ڏانهن نهار.

حزقي ايل 44:28

جيڪو ملڪ مون بني اسرائيل کي ورثي طور ڏنو آهي، تنهن مان ڪاهنن کي ڪابہ ميراث نہ ڏني ويندي، آءٌ ئي انهن لاءِ سڀ ڪجھہ آهيان. هائو، بني اسرائيل ۾ کين ڪهانيت کان سواءِ ڪوبہ ٻيو حصو ڪونہ ڏنو ويندو، آءٌ پاڻ سندن لاءِ سڀ ڪجھہ آهيان.

حزقي ايل 45:4

زمين جو اهو وقف ڪيل حصو انهن ڪاهنن جي لاءِ هوندو جيڪي هيڪل جا خدمتگار هوندا ۽ مون خداوند جي حضور ۾ خدمت ڪرڻ لاءِ حاضر رهندا. اهو حصو سندن گھرن لاءِ هوندو ۽ هيڪل واري ايراضيءَ جو حصو هوندو.

حزقي ايل 48:9

انهيءَ حصي جي وچ واري ايراضي مون خداوند لاءِ مخصوص هوندي، جنهن جي ڊيگھہ اولهہ کان اوڀر طرف ساڍا ٻارهن ڪلوميٽر ۽ ويڪر اتر کان ڏکڻ طرف ڏهہ ڪلوميٽر هوندي.

متي رسول جي معرفت پاڪ انجيل 10:10

سفر ۾ پاڻ سان نہ ٿيلهو کڻجو، نڪي هڪڙي جوڙي کان وڌيڪ ڪپڙا يا جتيون ۽ نہ وري ڪا لٺ کڻجو، ڇاڪاڻ تہ مزدور پنهنجي کاڌي پيتي جو حقدار آهي.