حزقي ايل 46:2 - Muslim Sindhi Bible

² حڪمران هيڪل جي ٻاهرين اڱڻ کان هن لنگھہ جي هال ۾ داخل ٿئي ۽ لنگھہ جي اندرين دروازي جي چانئٺ وٽ بيٺو رهي. ڪاهن هن جي طرفان ساڙڻ واريون قربانيون ۽ سلامتيءَ واريون قربانيون پيش ڪن. تڏهن حڪمران دروازي جي چانئٺ وٽ مون کي سجدو ڪري ۽ پوءِ هو واپس ٻاهر هليو وڃي. اهو لنگھہ شام تائين کُليل رهي.

Sindhi Bible

² ۽ بادشاهہ ٻاهرين در جي اڳ واري ايوان جي رستي ايندو، ۽ در جي ٿنڀ وٽ بيهندو، ۽ ڪاهن هن جي سوختني قرباني ۽ هن جون سلامتيءَ جون قربانيون تيار ڪندا، ۽ هو پاڻ در جي چانئٺ وٽ سجدو ڪندو ۽ پوءِ هليو ويندو: پر در شام تائين بند نہ ٿيندو.

حزقي ايل 46:2 ပူးပေါင်းရင်းမြစ်များ

1.تواريخ 17:16

تڏهن دائود بادشاهہ خيمي اندر لنگھي وڃي عهد واري صندوق وٽ خداوند جي حضور ۾ ويٺو ۽ دعا گھرندي چوڻ لڳو تہ ”اي خداوند خدا! تو مون کي جنهن درجي تي آندو آهي، آءٌ انهيءَ جي لائق ناهيان، نہ ئي وري منهنجو خاندان انهيءَ لائق آهي.

1.تواريخ 9:18

اهي جلاوطنيءَ جي وقت تائين بادشاهہ جي اوڀر واري دروازي تي بيهندا هئا. انهيءَ کان اڳ اهي بني لاويءَ جي لشڪرگاهہ جا دربان هوندا هئا.

2.تواريخ 23:13

هن نهاري ڏٺو تہ نئون بادشاهہ هيڪل جي دروازي وٽ بادشاهن واري ٿنڀي جي ڀرسان بيٺو آهي ۽ لشڪر جا سالار ۽ توتارا وڄائڻ وارا بادشاهہ جي ڀرسان بيٺا آهن. هن ڏٺو تہ سڀيئي ماڻهو خوشيءَ وچان نعرا هڻي رهيا هئا ۽ شرنايون پئي وڄايائون ۽ ڳائڻ وارا بہ ساز وڄائي واکاڻ جا گيت ڳائڻ ۾ ماڻهن جي رهنمائي ڪري رهيا هئا. تڏهن عتلياہ راڻي جوش وچان پنهنجا ڪپڙا ڦاڙي رڙيون ڪري چوڻ لڳي تہ ”غداري! غداري! غداري!“

2.تواريخ 29:29

جڏهن قرباني پيش ٿي چڪي تڏهن بادشاهہ ۽ ٻيا جيڪي ماڻهو ساڻس گڏ حاضر هئا تن سڀني جھڪي سجدو ڪيو.

2.تواريخ 34:31

پوءِ بادشاهہ پنهنجي جاءِ تي بيهي خداوند جي حضور ۾ نئين سر عهد ڪيو تہ ”اسين خداوند جا وفادار رهنداسين، سندس حڪمن ۽ قاعدن قانونن کي پنهنجي دل وَ جان سان مڃينداسين، يعني جيڪي عهد واريون ڳالهيون هن ڪتاب ۾ لکيل آهن تن سڀني تي عمل ڪنداسين.“

حزقي ايل 40:19

ٻاهرين اڱڻ جي اوڀر واري لنگھہ جي سامهون اندرين اڱڻ جو لنگھہ بہ هو. پوءِ انهيءَ ماڻهوءَ ٻنهي لنگھن جي وچ واري ماپ ڪئي تہ اها پنجاهہ ميٽر هئي. پوءِ اهو ماڻهو مون کي ٻاهرين اڱڻ مان ئي اتر پاسي واري ٻاهرين لنگھہ وٽ وٺي ويو.

حزقي ايل 40:39

انهيءَ ڪمري ۾ چار ميزون رکيل هيون، ٻہ ڪمري جي هڪڙي پاسي ۽ ٻہ ٻئي پاسي. انهن ميزن تي قربانين لاءِ جانور ذبح ڪيا ويندا هئا، يعني ساڙڻ واريون قربانيون ۽ اهي قربانيون جن جي وسيلي ماڻهن جا گناہ معاف ڪيا وڃن تہ جيئن اهي پاڪ ٿين.

حزقي ايل 44:3

تنهن هوندي بہ وقت جي حڪمران کي منهنجي حضور ۾ نذرانو ڪيل قربانيءَ واري ماني کائڻ لاءِ انهيءَ لنگھہ ۾ اچڻ گھرجي. پر هو رڳو ٻاهرين اڱڻ کان هن لنگھہ واري هال وٽان اچي وڃي سگھي ٿو.“

حزقي ايل 45:19

ڪاهن انهيءَ پاڪ ٿيڻ واري قربانيءَ جو ڪجھہ رت کڻي هيڪل جي عمارت جي سردرن تي، قربان‌گاهہ جي چئني ڪنڊن تي ۽ اندرين اڱڻ جي لنگھن وارن اندرين سردرن تي لڳائي.

حزقي ايل 46:12

ملڪ جو حڪمران جڏهن بہ منهنجي حضور ۾ پنهنجي مرضيءَ سان قربانيءَ طور ساڙڻ واري قرباني يا سلامتيءَ جي قرباني پيش ڪرڻ چاهي، تڏهن هن لاءِ اندرين اڱڻ جي اوڀر طرف وارو لنگھہ کوليو وڃي. هو پنهنجيون اهي قربانيون اهڙيءَ طرح پيش ڪري جيئن سبت جي ڏينهن تي پيش ڪندو هجي. تنهن کان پوءِ هو موٽي وڃي ۽ سندس ٻاهر نڪرڻ سان ئي لنگھہ بند ڪيو وڃي.“

حزقي ايل 46:8

حڪمران جڏهن سڀيئي قربانيون پيش ڪري چڪو هجي تڏهن جيئن اهو اوڀر واري لنگھہ ۾ داخل ٿيو هو تيئن ئي واپس لنگھہ جي هال کان ٻاهر هليو وڃي ۽ اندرين اڱڻ ۾ نہ اچي.

متي رسول جي معرفت پاڪ انجيل 26:39

عيسيٰ ٿورو پرڀرو ويو ۽ پاڻ کي منهن ڀر ڪيرائي دعا گھرڻ لڳو تہ ”اي منهنجا بابا! جيڪڏهن ٿي سگھي تہ هي پيالو مون تان ٽاريو وڃي، تنهن هوندي بہ منهنجي نہ پر تنهنجي مرضي پوري ٿئي.“

ڪلسين 1:28

اسين انهيءَ مسيح بابت ئي پيغام ٻڌايون ٿا ۽ پوريءَ ڏاهپ سان هر ڪنهن کي سمجھايون ۽ تعليم ڏيون ٿا، تہ جيئن هر هڪ کي مسيح ۾ ڪامل بڻائي خدا جي حضور ۾ پيش ڪريون.