حزقي ايل 45:3 - Muslim Sindhi Bible

³ انهيءَ مخصوص ڪيل ايراضيءَ جو ڏکڻ وارو اڌ جيڪو ڊيگھہ ۾ ساڍا ٻارهن ڪلوميٽر ۽ ويڪر ۾ پنج ڪلوميٽر ماپ جو هوندو، سو مقدس هيڪل لاءِ وقف هوندو، جنهن ڪري اهو حصو سڀني کان وڌيڪ پاڪ هوندو.

Sindhi Bible

³ ۽ هن ماپ جا تون پنجويهہ هزار ڊيگهہ ۾، ۽ ڏهہ هزار ويڪر ۾ ماپج؛ ۽ انهي ۾ پاڪ مڪان ٿيندو جو تمام پاڪ آهي.

حزقي ايل 45:3 ပူးပေါင်းရင်းမြစ်များ

1.بادشاهَہ 6:16

هيڪل جي پٺئين پاسي نوَن ميٽرن جي فاصلي تي هڪ ڀت ٺهرائي ويئي تہ جيئن الهام‌گاهہ يعني مقدس ترين جاءِ ڌار ٿي پوي. انهيءَ جي ڀت تي بہ فرش کان وٺي ڇت تائين ديال جا تختا کوڙايا ويا.

حزقي ايل 45:2

انهيءَ ايراضيءَ ۾ مقدس هيڪل جي لاءِ هڪڙو چورس ٽڪرو هوندو، جيڪو ٻہ سؤ پنجاهہ ميٽر ڊگھو ۽ ٻہ سؤ پنجاهہ ميٽر ويڪرو هوندو. انهيءَ جي چوڌاري پنجويهہ ميٽر ويڪرو کُليل ميدان هوندو.

حزقي ايل 45:4

زمين جو اهو وقف ڪيل حصو انهن ڪاهنن جي لاءِ هوندو جيڪي هيڪل جا خدمتگار هوندا ۽ مون خداوند جي حضور ۾ خدمت ڪرڻ لاءِ حاضر رهندا. اهو حصو سندن گھرن لاءِ هوندو ۽ هيڪل واري ايراضيءَ جو حصو هوندو.

حزقي ايل 48:10

آءٌ خداوند پنهنجي انهيءَ مخصوص ٿيل ايراضيءَ جو ڏکڻ وارو اڌ حصو ڪاهنن لاءِ وقف ڪندس. اوڀر کان اولهہ طرف سندن حصو ساڍا ٻارهن ڪلوميٽر ڊگھو هوندو ۽ اتر کان ڏکڻ طرف انهيءَ جي ويڪر پنج ڪلوميٽر هوندي. منهنجي هيڪل انهيءَ حصي جي وچ ۾ هوندي.

حزقي ايل 48:8

خداوند فرمايو تہ ”ملڪ جو وچ وارو حصو جيڪو يهوداہ واري علائقي جي ڏکڻ طرف هوندو، تنهن کي اوهين وقف ڪري ڇڏجو. انهيءَ جي ويڪر اتر کان ڏکڻ تائين ساڍا ٻارهن ڪلوميٽر هوندي ۽ ڊيگھہ ملڪ جي اوڀر کان اولهہ تائين ايتري ماپ جي هوندي جيتري قبيلن کي ورهايل حصي جي هوندي. هيڪل انهيءَ حصي جي وچ ۾ هوندي.