حزقي ايل 28:3 - Muslim Sindhi Bible

³ تون سمجھين ٿو تہ تون دانيال کان بہ وڌيڪ داناءُ آهين، ۽ اهڙو ڪوبہ ڳجھہ ناهي جيڪو تو کان لڪل هجي.

Sindhi Bible

³ ڏس تون داني ايل کان ڏاهو آهين؛ هو ڪوبہ ڳجهہ توکان لڪائي نہ سگهندا:

حزقي ايل 28:3 ပူးပေါင်းရင်းမြစ်များ

1.بادشاهَہ 10:3

سليمان هن جي سڀني سوالن جا جواب ڏنا. ڪنهن بہ سوال جو جواب ڏيڻ بادشاهہ لاءِ ڏکيو نہ هو.

ايوب 15:8

ڇا خدا جي ڳجھي مصلحت تو ٻڌي ورتي آهي؟ تہ پوءِ تون ڪيئن پاڻ کي ئي ڏاهپ جو ٺيڪيدار ٿو سمجھين؟

زبور 25:14

اي خداوند! جيڪي تنهنجو خوف ٿا رکن، تن کي تون پنهنجي راز ۾ شامل ٿو ڪرين، ۽ انهن سان ٻڌل پنهنجو عهد پورو ڪرين ٿو.

يرمياہ 9:23

خداوند فرمائي ٿو تہ ”ڏاهو ماڻهو پنهنجي ڏاهپ تي فخر نہ ڪري، نہ ئي ڪو زورآور پنهنجي زور تي فخر ڪري، نہ وري دولتمند ماڻهو پنهنجي دولت تي فخر ڪري،

حزقي ايل 14:14

پوءِ جيتوڻيڪ هي ٽي ماڻهو نوح، دانيال ۽ ايوب انهن سان گڏ رهندا هجن، تڏهن بہ انهن جي نيڪي رڳو انهن ٽن کي ئي بچائي سگھندي، ٻين کي نہ. اهو مون خداوند جو فرمان آهي.

حزقي ايل 28:15

بيشڪ تون پنهنجي پيدائش جي ڏينهن کان ئي منهنجو مڪمل فرمانبردار هئين، پر بعد ۾ تو بدڪاريءَ وارا ڪم ڪرڻ شروع ڪيا.

دانيال 1:20

ڏاهپ ۽ دانائيءَ جي جيڪا بہ ڳالهہ بادشاهہ هنن کان پڇي، تنهن ۾ هن انهن کي پنهنجي پوري بادشاهت جي سڀني جادوگرن ۽ نجومين کان ڏهہ ڀيرا وڌيڪ بهتر لڌو.

دانيال 1:6

انهن چونڊي ڪڍيلن ۾ بني يهوداہ قبيلي جا دانيال، حنانياہ، ميساايل ۽ عزرياہ پڻ شامل هئا.

دانيال 2:20

چيو تہ ”شل خدا جو نالو ازل کان وٺي ابد تائين سڳورو هجي، ڇاڪاڻ تہ اهو ئي حڪمت ۽ قدرت وارو آهي.

دانيال 2:22

جيڪي ڳالهيون اونهيون ۽ ڳجھيون آهن، تن کي هو ئي ظاهر ڪري ٿو. جيڪي ڪجھہ بہ اوندهہ ۾ آهي تنهن کي هو ڄاڻي ٿو، ڇوجو وٽس ئي سوجھرو آهي.

دانيال 4:9

’اي بيلطشضر، جادوگرن جا سردار! مون کي خبر آهي تہ تو ۾ پاڪ معبودن جو روح آهي ۽ ڪابہ راز جي ڳالهہ تنهنجي لاءِ مشڪل نہ آهي. سو جيڪو خواب مون لڌو آهي، سو ٻڌ ۽ انهيءَ جو تعبير مون کي ٻڌاءِ.