حزقي ايل 27:25 - Muslim Sindhi Bible

²⁵ ترسيس جا وڏا جهاز تنهنجي تجارتي مال لاءِ استعمال ٿيندا هئا. اي صور! تون سمنڊ ۾ انهيءَ جهاز جيان هئين، جيڪو ڀاري مال سان ڀريل هجي.

Sindhi Bible

²⁵ تنهنجي سوداگري مال لاءِ ترسيس جا جهاز تنهنجا قافلا هئا: ۽ تون ڀريو پيو هئين، ۽ سمنڊن جي وچ ۾ نهايت مشهور هئين.

حزقي ايل 27:25 ပူးပေါင်းရင်းမြစ်များ

پيدائش 10:4

ياوان جي پٽن جا نالا هئا: اِلِيشاہ، ترسيس، ڪتي ۽ دوداني.

1.بادشاهَہ 10:22

بادشاهہ کي حيرام جي سامونڊي جهازن سان گڏ تجارتي سامونڊي جهاز بہ هئا. ٽن سالن ۾ هڪڙو ڀيرو اُهي جهاز سون، چاندي ۽ عاج، باندر ۽ مور کڻي موٽندا هئا.

زبور 48:7

بيشڪ خدا اوڀر وارو اهڙو خوفناڪ طوفان آهي، جيڪو ترسيس جي عظيم سامونڊي جهازن کي بہ ڀڃيو ڇڏي.

چوڻيون 31:14

جيئن واپاري جهاز پري پري کان سٺو سامان آڻيندا آهن، تيئن ئي هوءَ پنهنجي گھر لاءِ کاڌو خوراڪ آڻي ٿي.

يسعياہ 2:16

هو ترسيس جي سڀني سامونڊي جهازن، توڙي سڀني سهڻين ٻيڙين کي ٻوڙي ڇڏيندو.

يسعياہ 23:14

اي اوهين! جيڪي ترسيس کان سامونڊي جهازن رستي موٽي ٿا اچو، سي واءِ‌ويلا ڪريو، ڇاڪاڻ تہ اوهان جو قلعي وارو شهر صور بہ اهڙيءَ طرح ئي برباد ڪيو ويو آهي.

يسعياہ 60:9

بيشڪ اهي سامونڊي جهاز آهن، جيڪي ڏورانهن ملڪن کان پيا اچن، ۽ تنهنجي رهاڪن کي سندن سون ۽ چانديءَ سميت پنهنجي شهر ڏانهن موٽائي پيا آڻين. انهن ۾ سڀني کان پهريائين ترسيس جا جهاز آهن. انهيءَ مان خداوند، تنهنجي خدا جو نالو روشن ٿئي ٿو. هائو، بني اسرائيل جي پاڪ معبود جي تعظيم ٿئي ٿي، ڇاڪاڻ تہ هن تو يروشلم جو شان وَ شوڪت بحال ڪيو آهي.

حزقي ايل 27:24

اهي ڪمخواب جا عمدا ڪپڙا، آسماني چڪندوزيءَ جي ڪم سان ڀريل جُبا، ۽ ٻيون قيمتي پوشاڪون، رنگين غاليچا ۽ مضبوط رسا تنهنجي بازارن ۾ واپار لاءِ آڻيندا هئا.