حزقي ايل 19:8 - Muslim Sindhi Bible

⁸ تڏهن قومون انهيءَ کي مارڻ لاءِ گڏ ٿيڻ لڳيون. هائو، هر طرف کان ماڻهو اچي گڏ ٿيا. هنن پنهنجا شڪاري ڄار مٿس اڇلايا، ۽ انهيءَ کي پنهنجي ڦندي ۾ ڦاسائي وڌائون.

Sindhi Bible

⁸ تڏهن قومون پرڳڻن کان چوڌاري مٿس ڪاهي آيون: ۽ هنن مٿس پنهنجو ڄار پکيڙي وڌو؛ ۽ هو انهن جي کڏ ۾ ڦاسي پيو.

حزقي ايل 19:8 ပူးပေါင်းရင်းမြစ်များ

2.بادشاهَہ 24:11

انهيءَ دوران بابل جو بادشاهہ نبوڪدنضر پاڻ بہ اتي اچي پهتو.

يرمياہ 22:19

بلڪ هن کي اهڙيءَ طرح دفن ڪيو ويندو، جيئن مئل گڏهہ کي يروشلم جي دروازن مان گهِلي ٻاهر کڏ ۾ اڇلايو وڃي ٿو.“

زاريون 4:20

اسان جي بچاءَ جي اميد، يعني خداوند جي چونڊيل بادشاهہ کي بہ هنن پنهنجي ڦندي ۾ ڦاسائي وڌو، جنهن بابت اسين چوندا هئاسين تہ هو اسان کي هر حملي ڪندڙ کان محفوظ رکندو.

حزقي ايل 12:13

خداوند هن تي پنهنجو ڄار اڇلائي انهيءَ ۾ کيس ڦاسائيندو. پوءِ هو کيس بابل شهر ڏانهن وٺي ويندو. جيتوڻيڪ هو اتي ئي مري ويندو تہ بہ هو انهيءَ شهر کي ڏسي نہ سگھندو.

حزقي ايل 17:20

آءٌ پنهنجو ڄار مٿس اڇلائي کيس ڦندي ۾ ڦاسائيندس. آءٌ کيس گهلي بابل ۾ وٺي ايندس ۽ اتي سزا ڏيندومانس، ڇاڪاڻ تہ هن مون سان بي‌وفائي ڪئي.

حزقي ايل 19:4

جڏهن قومن انهيءَ بابت ٻڌو، تہ هنن هڪ کڏ کوٽي انهيءَ ۾ آڻي کيس ڦاسايو. پوءِ هو کيس لوهي ڪنڍا وجھي گهلي مصر ملڪ ۾ وٺي ويا.

حزقي ايل 19:7

هن ڪيئي قلعا تباهہ ڪيا ۽ شهرن کي برباد ڪري ڇڏيو، هن جي گجگوڙ وارو آواز ٻڌي، ملڪ جو هر ڪو رهاڪو ڏڪي ويندو هو.