حزقي ايل 10:10 - Muslim Sindhi Bible

¹⁰ ۽ سڀيئي بلڪل هڪجهڙا هئا. ائين ٿي لڳو ڄڻ هر ڦيٿي منجھہ ٻيو ڦيٿو پيل هجي.

Sindhi Bible

¹⁰ باقي انهن چئني جو ڊول هڪڙي ئي نموني جو هو، ڄڻ تہ هڪڙو ڦيٿو ٻئي منجهہ پيل هو.

حزقي ايل 10:10 ပူးပေါင်းရင်းမြစ်များ

1.بادشاهَہ 7:30

هر هڪ ريڙهيءَ کي چار پتل جا ڦيٿا ۽ پتل جون ئي سرايون هيون. هر هڪ ريڙهيءَ ۾ هڪ ننڍو حوض رکڻ لاءِ هيٺان چئني ڪنڊن تي پلٽيل ٽيڪون هنيون ويون. هر هڪ ٽيڪ تي هار ٺاهيا ويا.

زبور 104:24

اي خداوند! تو پنهنجي ڏاهپ سان جيڪي شيون پيدا ڪيون آهن، سي ايتريون تہ گھڻيون آهن، جو سڄي ڌرتي تنهنجي مخلوق سان ڀرجي ويئي آهي.

زبور 36:6

تنهنجي سچائي ايڏي اوچي آهي جيڏا اوچا وڏا پهاڙ آهن. تنهنجا فيصلا ايڏا اونها آهن جيڏي اونهائي وڏي بحر جي آهي. اي خداوند! ماڻهن توڙي جانورن کي تون ئي ٿو سنڀالين.

زبور 97:2

هو گھُگھُہ اونداهي ڪڪر جي پردي وچان سچائيءَ ۽ انصاف سان بادشاهي ڪري ٿو.

حزقي ايل 1:1

ٽيهين سال جي چوٿين مهيني جي پنجين تاريخ تي آءٌ حزقي‌ايل ڪاهن ولد بُوزي بابل ملڪ جي ڪبار نهر جي ڪناري ٻين يهوداہ وارن سان گڏ جلاوطن هئس. اتي اوچتو مون ڏٺو تہ آسمان کُلي پيو ۽ انهيءَ ڏينهن کان وٺي خدا مون کي رويائون ڏيکارڻ شروع ڪيون.

حزقي ايل 1:16

اهي چار ئي ڦيٿا بلڪل هڪجهڙا هئا ۽ قيمتي پٿر جيان چمڪي رهيا هئا. انهن جي بناوٽ اهڙي هئي ڄڻ تہ هر هڪ ڦيٿي جي وچ ۾ ٻيو ڦيٿو پيل هجي.

حزقي ايل 10:11

اهي ڦيٿا هلڻ وقت چئني پاسن ڏانهن هلي ٿي سگھيا. هلندي وقت اهي مڙيا نہ ٿي، بلڪ جنهن پاسي انهن مخلوقات جو منهن ٿيو پئي تنهن پاسي ڏانهن اهي سڌا هليا ٿي ۽ هلندي مڙيا نہ ٿي.

حزقي ايل 10:9

مون اهو بہ ڏٺو تہ انهن مخلوقات جي ڀرسان چار ڦيٿا هئا، هر هڪ جي پاسي ۾ هڪ هڪ ڦيٿو هو. اهي ڦيٿا قيمتي پٿر جيان چمڪي رهيا هئا

رومين 11:33

واہ! خدا جو رحم ڪيڏو نہ وڏو آهي! سندس ڏاهپ ۽ ڄاڻ ڪيڏي نہ اونهي آهي! سندس فيصلا سمجھہ کان بلڪل ٻاهر آهن ۽ سندس منصوبن جو پتو ئي پئجي نہ ٿو سگھي!