خروج 6:20 - Muslim Sindhi Bible

²⁰ عمرام پنهنجي پڦيءَ يوڪبد سان شادي ڪئي. انهيءَ مان کيس ٻہ پٽ هارون ۽ موسيٰ پيدا ٿيا. عمرام جي عمر هڪ سؤ ستٽيهہ سال هئي.

Sindhi Bible

²⁰ عمرام پنهنجي پيءُ جي ڀيڻ يوڪبد سان شادي ڪئي، ۽ انهي مان هارون ۽ موسيٰ پيدا ٿيا، ۽ عمرام جي عمر هڪ سؤ ستٽيهہ ورهيہ هئي.

خروج 6:20 ပူးပေါင်းရင်းမြစ်များ

1.تواريخ 23:13

عمرام ولد قهات جا پٽ هارون ۽ موسيٰ هئا. هارون ۽ سندس اولاد کي هميشہ لاءِ ڪاهن مقرر ڪيو ويو هو تہ هو مخصوص شين جي سنڀال ڪن، خداوند اڳيان جانورن جون قربانيون پيش ڪن، سندس خدمت ڪن ۽ سندس نالي تي هميشہ دعا ڏيندا رهن.

خروج 6:16

لاويءَ کي ٽي پٽ هئا: جيرشون، قهات ۽ مراري. انهن جي نالن تي لاويءَ جا گھراڻا هئا. لاويءَ جي عمر هڪ سؤ ستٽيهہ سال هئي.

خروج 6:18

قهات کي چار پٽ هئا: عمرام، اضهار، حبرون ۽ عزي‌ايل. قهات جي عمر هڪ سؤ ٽيٽيهہ سال هئي.

ڳاڻاٽو 26:58

انهيءَ کان سواءِ لاوين جا هي نسل بہ آهن: لبني جو نسل، حبرون جو نسل، محليءَ جو نسل، موشيءَ جو نسل ۽ قورح جو نسل. قهات کي عمرام نالي هڪ پٽ هو.

ڳاڻاٽو 26:59

عمرام، لاويءَ جي ڌيءَ يوڪبد سان پرڻيل هو جا لاويءَ کي مصر ۾ ڄائي هئي. انهيءَ مان عمرام کي ٻہ پٽ هارون ۽ موسيٰ ۽ هڪڙي ڌيءَ مريم ڄاوا.

ڳاڻاٽو 3:1

جنهن ڏينهن خداوند سينا جبل تي موسيٰ سان ڳالهايو، تنهن ڏينهن تائين موسيٰ جي ڀاءُ هارون کي هي اولاد هو.

يشوع 21:4

پهريون ڪُڻو بني قهات لاءِ سندن گھراڻن موجب هن حصي تي پيو. لاوي جيڪي قهات جي نسل مان هارون ڪاهن جو اولاد هئا تن کي يهوداہ قبيلي، شمعون قبيلي ۽ بنيامين قبيلي مان تيرهن شهر مليا.