خروج 38:26 - Muslim Sindhi Bible

²⁶ ويهن سالن ۽ انهيءَ کان وڌيڪ عمر وارن ماڻهن جو شمار ڪيو ويو، جن جو تعداد ڇهہ لک، ٽي هزار، پنج سؤ پنجاهہ هو. انهيءَ حساب سان عبادت‌گاهہ جي سڪي جي تور مطابق هر هڪ ماڻهوءَ ڇهہ گرام چانديءَ جا ڏنا هئا.

Sindhi Bible

²⁶ جن ماڻهن جي عمر ويهہ سال ۽ انهي کان وڌيڪ هئي، ۽ شمار ٿيندڙن ۾ داخل ٿيا هئا، تن جو تعداد ڇهہ لک ٽي هزار ۽ ساڍا پنج سؤ هو: انهن مان هر ڪنهن ماڻهوءَ هڪ بقع، يعني عبادتگاهہ جي مشقال جهڙو اڌ مشقال ڏنو هو.

خروج 38:26 ပူးပေါင်းရင်းမြစ်များ

خروج 12:37

پوءِ بني اسرائيل رعمسيس شهر کان سُڪات ڏانهن پيادل سفر ڪيو. انهن ۾ عورتن ۽ ٻارن کان سواءِ رڳو مردن جو تعداد ڇهہ لک هو.

خروج 30:12

”جڏهن تون بني اسرائيل جو تعداد ڄاڻڻ لاءِ سندن شمار ڪرين، تڏهن انهن مان هر ڪو مرد شمار وقت مون خداوند جي لاءِ پنهنجيءَ جان جو صدقو ڏئي، انهيءَ لاءِ تہ شمار ڪرڻ کان پوءِ منجھن ڪا وبا نہ پوي.

خروج 30:13

هر هڪ مرد جيڪو شمار ٿيندڙن جي ٽولي ۾ شامل ٿيندو وڃي، سو عبادت‌گاهہ جي سڪي جي تور جي حساب سان اڌ سڪو مون خداوند جي لاءِ نذرانو ڏئي. هڪڙو سڪو چانديءَ جي ٻارهن گرامن جي برابر آهي.

خروج 38:27

انهيءَ ٽي هزار چار سؤ ڪلوگرام چانديءَ مان مقدس خيمي ۽ وچ واري پردي جي ٿنڀن جا پاوا پلٽي ٺاهيا ويا. انهيءَ مان ڪل هڪ سؤ پاوا يعني هر هڪ پائو چوٽيهن ڪلوگرامن مان ٺاهيو ويو.

ڳاڻاٽو 1:2

”تون ۽ هارون سڄي بني اسرائيل جي سندن پنهنجي پنهنجي نسل ۽ ڪٽنب موجب مردم‌شماري ڪريو ۽ انهن سڀني مردن، جن جي عمر ويهہ سال يا انهيءَ کان مٿي هجي ۽ جنگ ۾ وڃڻ جي لائق هجن، تن جا قبيلن مطابق جدا جدا دستا ٺاهي لسٽ تيار ڪريو.

ڳاڻاٽو 1:46

سي سڀيئي ڇهہ لک ٽي هزار پنج سؤ پنجاهہ مرد هئا.

ڳاڻاٽو 2:32

اهي آهن بني اسرائيل، جن جو سندن ڪٽنبن موجب شمار ڪيو ويو. سمورا لشڪر جيڪي خيمي‌گاهن ۾ هئا تن جو تعداد سندن دستن موجب ڇهہ لک، ٽي هزار پنج سو پنجاهہ مرد هو.

ڳاڻاٽو 26:2

”اوهين سڄي بني اسرائيل جو گھراڻن موجب شمار ڪريو. انهن سمورن مردن جو شمار ڪريو جن جي عمر ويهہ سال يا انهيءَ کان مٿي هجي ۽ جنگي خدمتن جي لائق هجن.“

ڳاڻاٽو 26:51

سو بني اسرائيل مان جن مردن جو شمار ڪيو ويو سي جملي ڇهہ لک هڪ هزار ست سؤ ٽيهہ ٿيا.

متي رسول جي معرفت پاڪ انجيل 17:24

جڏهن عيسيٰ ۽ سندس شاگرد ڪفرناحوم ۾ اچي پهتا تہ هيڪل جو ٽيڪس اُڳاڙڻ وارا پطرس وٽ آيا ۽ پڇيائونس تہ ”ڇا تنهنجو استاد هيڪل جو ٽيڪس نہ ڏيندو آهي؟“