خروج 36:8 - Muslim Sindhi Bible

⁸ سو ڪم ڪرڻ وارن مان جيڪي هوشيار ڪاريگر هئا، تن هٿان مقدس خيمي جي قنات ۽ پال لاءِ سنهي وٽيل سڻيءَ جي ڪپڙي جا ڏهہ پردا ٺاهيا ويا، جن ۾ آسماني، واڱڻائي ۽ لال ڳاڙهي رنگ جا ڌاڳا هئا. انهن تي پردار آسماني مخلوق جون شڪليون اُڻيون ويون.

Sindhi Bible

⁸ سو جيڪي ڪم ڪرڻ وارا هوشيار ماڻهو هئا، تن عبادت جي خيمي لاءِ آسماني، واڱڻائي، ۽ قرمزي رنگ، ۽ سنهي وٽيل سڻيءَ جا ڏهہ پردا جوڙيا، ۽ انهن ۾ هوشياريءَ سان ڪروبي بہ جوڙيائون.

خروج 36:8 ပူးပေါင်းရင်းမြစ်များ

1.بادشاهَہ 6:23

مقدس ترين جاءِ ۾ زيتون جي ڪاٺ مان پردار آسماني مخلوق جا ٻہ مجسما ٺهرايا ويا جيڪي ساڍا چار ميٽر اوچا هئا.

1.تواريخ 15:1

دائود پنهنجي لاءِ ”دائود جي شهر“ ۾ گھر تعمير ڪرايا. هن خدا جي عهد واري صندوق لاءِ پڻ هڪڙي جاءِ تيار ڪرائي، جتي انهيءَ لاءِ هڪڙو تنبو کوڙايائين.

2.تواريخ 1:3

”اوهين سڀ مون سان گڏجي جِبعون واري مقدس هنڌ ڏانهن هلو.“ هو اوڏانهن ان ڪري ويا جو اتي خدا سان ملاقات وارو خيمو لڳل هو، جيڪو خدا جي ٻانهي موسيٰ بيابان ۾ ٺاهيو هو.

2.تواريخ 3:10

هن مقدس ترين جاءِ جي ڪمري ۾ پردار آسماني مخلوق جا ٻہ مجسما ٺهرايا ۽ انهن تي سون چاڙهايائين.

خروج 25:18

تون رحمت جي پوش جي ٻنهي ڇيڙن تي سون کي گھڙي پردار آسماني مخلوق جا ٻہ مجسما ٺهرائج.

خروج 25:22

اُتي آءٌ تو سان ملندس. رحمت جي پوش مٿان ۽ عهد واري صندوق تي جيڪي ٻہ مجسما هوندا تن جي وچ مان آءٌ انهن سڀني حڪمن جي باري ۾ جيڪي بني اسرائيل کي ڏيڻا هوندم، تو سان ڳالهائيندس.“

خروج 31:6

مون دان جي قبيلي مان احيسمڪ جي پٽ اهلياب کي بہ ساڻس گڏ ڪم ڪرڻ لاءِ مقرر ڪيو آهي. سڀني ڪاريگر ماڻهن جي دلين ۾ هنر وڌو اٿم، انهيءَ لاءِ تہ جن شين جو مون تو کي حڪم ڏنو آهي، سي سڀ ٺاهي تيار ڪن،

خروج 31:7

يعني مون خدا سان ملاقات وارو خيمو، عهد واري صندوق ۽ انهيءَ تي جيڪو رحمت جو پوش آهي سو ۽ خيمي جو سمورو سامان،

خروج 35:10

اوهان ۾ جيڪي ڪاريگر ماڻهو آهن، سي سڀ اچي اهي شيون ٺاهين جن جو خداوند حڪم ڏنو آهي،

خروج 36:9

هر هڪ پردي جي ڊيگھہ ٻارهن ميٽر ۽ ويڪر ٻہ ميٽر هئي. سڀيئي پردا هڪڙيءَ ئي ماپ جا هئا.

خروج 39:3

هنن سون کي ڪُٽي ڪُٽي سنها ورق بڻايا، جن کي ڪَٽي سنهيون تارون ٺاهيائون، انهيءَ لاءِ تہ اهي آسماني، واڱڻائي ۽ لال ڳاڙهي رنگ جي ڌاڳن واري سنهي وٽيل سڻيءَ جي ڪپڙي ۾ وڏي ڪاريگريءَ سان اُڻين.