خروج 25:18 - Muslim Sindhi Bible

¹⁸ تون رحمت جي پوش جي ٻنهي ڇيڙن تي سون کي گھڙي پردار آسماني مخلوق جا ٻہ مجسما ٺهرائج.

Sindhi Bible

¹⁸ ۽ تون سون جا ٻہ ڪروبي جوڙج، اهي رحمت جي پوش جي ٻنهي ڇيڙن تي گهڙيل سون جا جوڙج.

خروج 25:18 ပူးပေါင်းရင်းမြစ်များ

پيدائش 3:24

پوءِ اوڀر پاسي باغ جي لنگھہ وٽ پردار آسماني مخلوق سان گڏ هڪ تجليدار تلوار مقرر ڪيائين جيڪا چئني پاسن تي پيئي ڦري، تہ جيئن ڪوبہ باغ اندر زندگيءَ جي وڻ جي ويجھو وڃي نہ سگھي.

1.تواريخ 28:18

ان کان علاوہ لوبان ساڙڻ لاءِ قربان‌گاهہ تي ۽ ان گاڏيءَ تي ڪيترو نج سون استعمال ڪيو وڃي جنهن تي پردار آسماني مخلوق جا مجسما ٺاهجن، جن جا پر خداوند جي عهد واري صندوق مٿان پکڙيل هوندا.

2.تواريخ 3:10

هن مقدس ترين جاءِ جي ڪمري ۾ پردار آسماني مخلوق جا ٻہ مجسما ٺهرايا ۽ انهن تي سون چاڙهايائين.

خروج 25:17

تون نج سون مان صندوق جي ڍڪڻ لاءِ رحمت جو پوش ٺهرائج، جنهن جي ڊيگھہ اڍائي هٿ ۽ ويڪر ڏيڍ هٿ هجي.

خروج 25:19

هڪڙو مجسمو هڪڙي ڇيڙي تي ۽ ٻيو مجسمو ٻئي ڇيڙي تي ٺهرائج. تون رحمت جي پوش ۽ ان جي ٻنهي ڇيڙن وارن مجسمن کي هڪڙي ئي ٽڪري مان ٺهرائج.

خروج 25:36

اهڙيءَ طرح گلن ۽ شاخن سميت پورو شمعدان نج سون جي هڪڙي ئي ٽڪري مان گھڙي ٺاهيل هجي.

حزقي ايل 10:2

تڏهن خداوند عمدي سڻيءَ واري پوشاڪ پهريل ماڻهوءَ کي فرمايو تہ ”تون پردار آسماني مخلوق جي هيٺان ڦرندڙ ڦيٿن جي وچان اندر گھڙي وڃ ۽ پردار آسماني مخلوق جي وچ ۾ جيڪي ٽانڊا آهن، تن مان ٻئي مٺيون ڀري کڻي اچ ۽ اهي يروشلم شهر جي مٿان هيڏي هوڏي اڇلائي ڇڏ.“ تڏهن اهو ماڻهو منهنجي ڏسندي اندر گھڙي ويو.

حزقي ايل 10:20

مون انهن مخلوقات کي سڃاڻي ورتو. اهي بلڪل ساڳيا ئي هئا جن کي مون ڪبار نهر جي ڪناري تي بني اسرائيل جي خدا جي جلوي هيٺان بيٺل ڏٺو هو.

حزقي ايل 10:3

جنهن وقت هو اندر ويو، تنهن وقت پردار آسماني مخلوقات هيڪل جي ڏاکڻي پاسي بيٺل هئا. تڏهن هڪڙو ڪڪر اندرين اڱڻ ۾ ڇانئجي ويو.

عبرانين 9:5

صندوق جي مٿان پردار آسماني مخلوق جهڙا ٻہ مجسما ٺهيل هئا، جيڪي خدا جي موجودگيءَ جي نشاني هئا ۽ اهي ڪفاري واري جاءِ تي ڇانوَ ڪيو بيٺا هئا. پر هن وقت انهن ڳالهين کي تفصيل سان بيان ڪرڻ جو موقعو ناهي.

1.سموئيل 4:4

سو انهن سيلا شهر ڏانهن ماڻهو موڪليا جيڪي اُتان اها عهد واري صندوق، جنهن تي پردار آسماني مخلوق جي مجسمن جي وچ ۾ قادرِمطلق خداوند تخت‌نشين هو، سا کڻي آيا. عيليءَ جا ٻئي پٽ حفني ۽ فينحاس خدا جي عهد واري صندوق سان گڏ هئا.