خروج 2:15 - Muslim Sindhi Bible

¹⁵ فرعون جڏهن اها ڳالهہ ٻڌي تڏهن موسيٰ کي مارائڻ جو ارادو ڪيائين. پر موسيٰ فرعون وٽان ڀڄي ويو ۽ وڃي مديان جي علائقي ۾ رهڻ لڳو. هڪ ڏينهن جڏهن موسيٰ هڪڙي کوهہ وٽ ويٺو هو

Sindhi Bible

¹⁵ هاڻي جڏهن فرعون اها ڳالهہ ٻڌي، تڏهن موسيٰ کي مارائڻ جو ارادو ڪيائين، پر موسيٰ، فرعون جي منهن تان ٽري ڀڄي ويو ۽ وڃي مديان جي ملڪ ۾ رهڻ لڳو؛ ۽ هڪڙي کوهہ وٽ وڃي ويٺو.

خروج 2:15 ပူးပေါင်းရင်းမြစ်များ

پيدائش 24:11

اُتي شام جو شهر جي ٻاهران کوهہ وٽ اٺ آڻي جھڪايائين. انهيءَ وقت عورتون اتي پاڻي ڀرڻ اينديون هيون.

پيدائش 25:2

انهيءَ کي ابراهيم مان زمران، يقشان، مدان، مديان، اسباق ۽ سوخ ڄاوا.

پيدائش 25:4

مديان جا پٽ عيفاہ، عِفر، حنُوڪ، ابيداع ۽ الداعاہ هئا. اهي سڀ قطوراہ جو اولاد هئا.

پيدائش 29:2

اتي هن ڏٺو تہ ميدان ۾ هڪڙو کوهہ آهي جنهن جي ڀر ۾ ٽي ڌڻ رڍن جا ويٺا آهن، ڇاڪاڻ تہ ريڍار انهيءَ ئي کوهہ مان ڌڻن کي پاڻي پيئاريندا هئا. انهيءَ کوهہ جي منهن تي هڪ وڏو پٿر رکيل هو.

1.بادشاهَہ 11:18

هو مديان مان روانا ٿيا ۽ فاران ۾ آيا. اتان ماڻهو پاڻ سان کڻي مصر ۾ اُتي جي بادشاهہ فرعون وٽ آيا، جنهن هدد کي هڪڙو گھر ۽ ڪجھہ ٻني ڏني ۽ کيس کاڌو بہ مهيا ڪري ڏنو.

خروج 18:4

هن ٻئي پٽ جو نالو ”اليعزر“ هي چئي رکيو هو تہ ”منهنجي پيءُ جو خدا منهنجو مددگار ٿيو آهي ۽ هن مون کي فرعون جي تلوار کان بچايو آهي.“

خروج 4:19

موسيٰ اڃا مديان ۾ ئي هو تہ خداوند چيس تہ ”مصر ڏانهن موٽي وڃ، ڇاڪاڻ تہ جن ماڻهن تو کي مارڻ ٿي گھريو سي مري ويا آهن.“

چوڻيون 22:3

سياڻو ماڻهو مصيبت کي ايندو ڏسي پاسو ڪريو وڃي، مگر بي‌سمجھہ ماڻهو سڌو اوڏانهن وڌيو وڃي، ۽ پوءِ مصيبت ۾ ڦاسيو پوي.

حبقوق 3:7

آءٌ ڪوشن ملڪ جي گھراڻن کي مصيبت ۾ ڏسان ٿو، مديان ملڪ جي رهاڪن کي ڏڪندي ڏسان ٿو.

متي رسول جي معرفت پاڪ انجيل 10:23

جڏهن ماڻهو اوهان کي ڪنهن شهر ۾ ستائين تہ اوهين هڪدم ٻئي شهر ڏانهن هليا وڃجو. آءٌ اوهان کي ٻڌايان ٿو تہ اوهين اسرائيل جي سڀني شهرن توڙي ڳوٺن ۾ پنهنجو ڪم ختم ئي نہ ڪندا تہ ابنِ آدم اچي پهچندو.

يوحنا 4:6

انهيءَ ٻنيءَ ۾ يعقوب جو کوهہ هو. عيسيٰ مسافريءَ جي ڪري ٿڪجي پيو هو، سو کوهہ جي ڀرسان ويهي رهيو. اهو اٽڪل منجھند جو وقت هو.

سنتن جا ڪم 7:29

اهو ٻڌي موسيٰ وٺي ڀڳو ۽ مديان جي ملڪ ۾ وڃي اجنبي ٿي رهيو، جتي کيس ٻہ پٽ ڄاوا.

عبرانين 11:27

ايمان جي ڪري ئي بادشاهہ جي ڪاوڙ جي پرواهہ نہ ڪندي موسيٰ مصر کي ڇڏي ڏنو. ائين هو ڏسڻ ۾ نہ ايندڙ خدا کي ڄڻ تہ ڏسي ڪري ثابت قدم رهيو.