شريعت جو دور 22:2 - Muslim Sindhi Bible

² جيڪڏهن اوهان جو اهو هم‌قوم اوهان جي ويجھو نہ رهندو هجي، يا اوهين کيس نہ سڃاڻيندا هجو، تہ پوءِ اوهين انهيءَ جانور کي پنهنجي گھر آڻي بيهارجو. اهو تيستائين اوهان جي گھر ۾ هجي جيستائين اوهان جو اهو هم‌قوم انهيءَ جي ڳولا ڪندو اوهان وٽ اچي. پوءِ اوهين اهو کيس موٽائي ڏجو.

Sindhi Bible

² پر جيڪڏهن هو تنهنجو ڀاءُ توکي ويجهو نہ هجي، يا تون انهي کي نہ سڃاڻندو هجين، تہ تون انهي جانور کي پنهنجي گهر وٺي اچج، ۽ اهو تنهنجي گهر ۾ رهي جيسين ڪ تنهنجو ڀاءُ انهي جي ڳولا ڪري، پوءِ تون انهي کي موٽائي ڏج.

شريعت جو دور 22:2 ပူးပေါင်းရင်းမြစ်များ

متي رسول جي معرفت پاڪ انجيل 7:12

سو هاڻ جهڙو سلوڪ اوهين چاهيو ٿا تہ ماڻهو اوهان سان ڪن، تهڙو سلوڪ اوهين بہ ٻين سان ڪريو. اهو ئي موسيٰ جي شريعت ۽ ٻين نبين جي تعليم جو نچوڙ آهي.“

شريعت جو دور 22:1

موسيٰ وڌيڪ چيو تہ ”جيڪڏهن اوهين پنهنجي قوم واري جو ڏاند يا رڍ رلندي ڏسو، تہ ڏٺي اڻ‌ڏٺي نہ ڪري ڇڏجو، بلڪ ورائي آڻي انهيءَ کي ڏجو.

شريعت جو دور 22:3

اوهين پنهنجي قوم واري جو گڏهہ، سندس ڪپڙو يا ڪابہ ٻي گم ٿيل شيءِ، جيڪا اوهان لڌي هجي تنهن بابت ائين ئي ڪجو. اوهين انهيءَ کي ڏٺي اڻ‌ڏٺي نہ ڪري ڇڏجو.

1.ٿسلونيڪين 4:6

سو انهيءَ ڳالهہ ۾ ڪوبہ ايمان وارو پنهنجي ڪنهن هم‌ايمان سان زيادتي يا ٺڳي ڪندي سندس گھر تي بري نظر نہ رکي. جيئن تہ اسان اڳي ئي اوهان کي ٻڌايو ۽ خبردار ڪيو آهي تہ خداوند اهڙن سڀني گناهن جي سزا ڏيندو.