2.سموئيل 3:22 - Muslim Sindhi Bible

²² انهيءَ عرصي دوران دائود جا ماڻهو ۽ يوآب لڙائيءَ تان موٽي آيا ۽ پاڻ سان گھڻو ئي لٽ جو مال آندائون. ابنير انهيءَ وقت حبرون ۾ دائود وٽ ڪين هو، ڇاڪاڻ تہ هن کيس روانو ڪري ڇڏيو هو ۽ هو سلامتيءَ سان هليو ويو هو.

Sindhi Bible

²² ۽ ڏسو، دائود جا نوڪر، ۽ يوآب ڦرمار ڪري موٽي آيا، ۽ پاڻ سان گهڻو ئي لٽ جو مال آندائون: پر ابنير حبرون ۾ دائود سان ڪين هو؛ ڇالاءِ جو هن انهيءَ کي روانو ڪري ڇڏيو هو، ۽ هو صحيح سلامت هليو ويو هو.

2.سموئيل 3:22 ပူးပေါင်းရင်းမြစ်များ

2.سموئيل 3:23

جڏهن يوآب ۽ جيڪو لشڪر ساڻس گڏ هو سي آيا، تڏهن يوآب کي ٻڌايو ويو تہ ابنير ولد نير بادشاهہ وٽ آيو هو ۽ هن کيس روانو ڪري ڇڏيو آهي ۽ هو سلامتيءَ سان هليو ويو آهي.

2.سموئيل 4:2

اشبوست وٽ ٻہ ماڻهو هئا جيڪي لشڪرن جا سالار هئا، هڪڙي جو نالو بعنہ ۽ ٻئي جو ريڪاب هو. اهي ٻئي رمون بيروتيءَ جا پٽ هئا، جيڪو بنيامين قبيلي مان هو. ان وقت بيروت شهر کي بنيامين قبيلي جو حصو شمار ٿي ڪيو ويو.

1.سموئيل 27:8

انهيءَ عرصي ۾ دائود ۽ سندس ماڻهو نڪري جسُورين، جزرين ۽ عماليقين تي حملا ڪندا رهندا هئا، جيڪي قديم زماني کان وٺي شور واري رستي مصر جي سرحد تائين واري علائقي ۾ رهندا هئا.