2.سموئيل 23:20 - Muslim Sindhi Bible

²⁰ انهيءَ کان علاوہ بناياہ ولد يهويدع هو، جيڪو قبضيل نالي شهر جو بهادر شخص هو، جنهن وڏا وڏا ڪم ڪيا هئا. هن موآب جي ٻن بهادرن کي قتل ڪيو ۽ برف پوندڙ ڏينهن ۾ هڪڙيءَ کڏ ۾ لهي هڪڙي شينهن کي بہ وڃي ماريو هئائين.

Sindhi Bible

²⁰ ۽ بناياہ بن يهويدع، قبضيل جي هڪڙي بهادر شخص جو پٽ، جنهن وڏا وڏا ڪم ڪيا هئا، تنهن موآب واري اري ايل جي ٻن پٽن کي ڪُٺو: هن برف جي موسم ۾ هڪڙي کڏ منجهہ هڪڙي شينهن کي بہ وڃي ماريو:

2.سموئيل 23:20 ပူးပေါင်းရင်းမြစ်များ

2.سموئيل 1:23

سائول ۽ يونتن ڏاڍا وڻندڙ ۽ پيارا هئا، جيئري توڙي مرندي اهي هڪٻئي کان جدا ڪين ٿيا. هو عقابن کان تيز ۽ شينهن کان وڌ طاقتور هئا.

2.سموئيل 20:23

يوآب بني اسرائيل جي سڄي لشڪر جو سپهہ‌سالار هو. بناياہ ولد يهويدع شاهي محافظن جو سالار هو.

2.سموئيل 23:19

هو انهن ”ٽيهن جو ٽولو“ ۾ وڌيڪ معزز هو، تڏهن ئي سندن اڳواڻ ٿيو. انهيءَ هوندي بہ هو پهرئين ”ٽن جو ٽولو“ جي رتبي کي نہ پهتو.

2.سموئيل 23:21

هن مصر جي هڪڙي قداور ماڻهوءَ کي بہ قتل ڪيو. جيتوڻيڪ انهيءَ مصريءَ جي هٿ ۾ هڪڙو نيزو بہ هو، تڏهن بہ بناياہ لٺ کڻي مٿس ڪاهہ ڪئي ۽ مصريءَ جي هٿ مان نيزو کسي، سندس ئي نيزي سان کيس قتل ڪري ڇڏيائين.

2.سموئيل 23:22

اهڙا ئي بهادريءَ وارا ڪم بناياہ ولد يهويدع ڪيا ۽ انهن ”ٽن جو ٽولو“ جي وڏن بهادرن جهڙو نالو ڪڍيائين.

2.سموئيل 8:18

بناياہ ولد يهويدع خاص محافظن جي مٿان سالار هو ۽ دائود جا پٽ ڪاهن مقرر هئا.

1.بادشاهَہ 1:26

پر مون تنهنجي ٻانهي کي، صدوق ڪاهن کي، بناياہ ولد يهويدع کي ۽ سليمان کي هن نہ سڏيو آهي.

1.بادشاهَہ 1:38

سو صدوق ڪاهن، ناتن نبي، بناياہ ولد يهويدع ۽ شاهي محافظ سليمان کي بادشاهہ دائود جي خچر تي ويهاري کيس جيحون چشمي ڏانهن وٺي ويا.

1.بادشاهَہ 1:8

پر صدوق ڪاهن، بناياہ ولد يهويدع، ناتن نبي، شمعي، ريعي ۽ دائود جي محافظن ادونياہ جو ساٿ نہ ڏنو.

1.بادشاهَہ 2:46

پوءِ بادشاهہ بناياہ کي حڪم ڏنو، جنهن وڃي شمعيءَ تي حملو ڪري کيس ماري ڇڏيو. اهڙيءَ طرح سليمان جا هٿ بادشاهت تي مضبوط ٿي ويا.

1.تواريخ 12:8

بيابان واري قلعي ۾ جد قبيلي جا جيڪي مشهور ۽ تجربيڪار سپاهي دائود سان اچي شامل ٿيا هئا ۽ جيڪي ڍال ۽ نيزي جا ماهر، ڏسڻ ۾ شينهن وانگر ڪَرڙا ۽ ڊوڙڻ ۾ جابلو هرڻ وانگر تکا هئا،

1.تواريخ 18:17

بناياہ ولد يهويدع دائود جي ذاتي محافظن جي مٿان سالار هو ۽ دائود جا پٽ اعليٰ درجي تي مقرر هئا.

خروج 15:15

ادوم جي اڳواڻن کي پڻ دهشت اچي ورتو، موآبي اڳواڻن کي بہ بيحد ڏڪڻيءَ اچي ورايو، ۽ ڪنعان جو هر ڪو رهاڪو همت هاري ويٺو.

يشوع 15:21

ادوم جي سرحد وارا ڏکڻ پاسي ۾ سڀ کان ڏورانهان شهر هي هئا: قبضي‌ايل، عيدر، يجور،