2.سموئيل 17:16 - Muslim Sindhi Bible

¹⁶ حوسيءَ کين وڌيڪ چيو تہ ”هاڻي اوهين جلدي ڪريو ۽ دائود کي چوائي موڪليو تہ هو اڄ رات بيابان ۾ درياءَ جي گھاٽن وٽ رهي نہ پوي، بلڪ جلدي پار لنگھي هليو وڃي، انهيءَ لاءِ تہ متان دائود بادشاهہ ۽ جيڪي ماڻهو ساڻس گڏ آهن سي سڀ ڳڙڪائجي نہ وڃن.“

Sindhi Bible

¹⁶ تنهنڪري هاڻي جلدي ڪر ۽ دائود کي چوائي موڪل تہ اڄوڪي رات بيابانن جي لنگهن تي ٽڪي نہ پئو، پر ڪنهن بہ طرح پار لنگهي وڃو؛ تہ متان بادشاهہ ۽ جيڪي ماڻهو ساڻس آهن سي سڀ غرق ٿي وڃن.

2.سموئيل 17:16 ပူးပေါင်းရင်းမြစ်များ

2.سموئيل 15:14

سو دائود پنهنجي سڀني عملدارن، جيڪي ساڻس گڏ يروشلم ۾ هئا، تن کي چيو تہ ”هلو تہ ڀڄي هلون، نہ تہ اسان مان ڪوبہ ابي‌سلوم کان ڀڄي ڪين سگھندو. جلدي ڪري نڪري هلو، متان هو تڪڙو اچي اسان تي ڪڙڪي ۽ اسان تي مصيبت آڻي ۽ شهر تي حملو ڪري سڀني کي ناس ڪري ڇڏي.“

2.سموئيل 15:28

ڏس، جيستائين تنهنجي طرفان مون کي ڪو اطلاع نہ ملندو، تيستائين آءٌ بيابان ۾ درياءَ جي گھاٽن وٽ ترسيل هوندس.“

2.سموئيل 15:35

اتي صدوق ۽ ابي‌ياتر ٻئي ڪاهن تو سان گڏ هوندا. تنهنڪري جيڪا بہ ڳالهہ تون بادشاهہ جي محلات مان ٻڌين، سا صدوق ۽ ابي‌ياتر ڪاهنن کي ٻڌائي ڇڏجانءِ.

زبور 35:25

ائين نہ ٿئي جو اهي پاڻ ۾ هيئن چوندا وتن تہ ”واہ واہ! هاڻي اسان جي مرضي پوري ٿي، اسان هن کي ڳڙڪائي ڇڏيو آهي.“

زبور 55:8

هائو، آءٌ انهن سخت آنڌين ۽ طوفانن کان، جلدي ڀڄي وڃي ڪنهن جاءِ تي پناهہ وٺان ها.

زبور 56:2

هائو، منهنجا دشمن هر وقت مون کي ايذائيندا رهن ٿا. اهي تمام گھڻا آهن جيڪي مون سان وڙهن ٿا.

زبور 57:3

هو عرش تان ورندي ڏئي مون کي بچائي وٺندو، ۽ انهن کي ملامت ڪندو جيڪي مون کي ايذائين ٿا. خدا پنهنجي وفا ۽ دائمي شفقت ضرور ڏيکاريندو.

1.ڪرنٿين 15:54

پوءِ جڏهن فاني ۽ مرڻ وارو جسم غير فاني ۽ دائمي زندگيءَ واري پوشاڪ پهري چڪو هوندو، تڏهن پاڪ ڪلام ۾ ڪيل هي قول پورو ٿيندو تہ ”موت نابود ٿي ويو، مڪمل فتح ٿي آهي.

2.ڪرنٿين 5:4

جيستائين اسين هن جھوپڙيءَ ۾ رهندي بار هيٺان دٻيل آهيون، تيستائين ڪنجھندا پيا رهون. انهيءَ جو اهو مطلب نہ آهي تہ اسين موجودہ جسم کي ڇڏڻ ٿا چاهيون، بلڪ اسين آسماني گھر کي ان مٿان پوشاڪ وانگر پهرڻ ٿا چاهيون، تہ جيئن هي فاني جسم حيات ۾ بدلجي وڃي.

1.سموئيل 20:38

هن ڇوڪر کي وڏي سڏ چيو تہ ”جلدي ڪر، تڪڙو ٿيءُ، ترس نہ.“ تڏهن ڇوڪر يونتن جا تير گڏ ڪري وٽس کڻي آيو.