2.بادشاهَہ 9:5 - Muslim Sindhi Bible

⁵ جڏهن هو اتي پهتو تڏهن اتي فوج جي سالارن کي ويٺل ڏٺائين. هن چيو تہ ”اي سالارؤ! مون وٽ اوهان مان هڪڙي لاءِ پيغام آهي.“ ييهوءَ پڇيس تہ ”اسان مان ڪنهن جي لاءِ؟“ هن وراڻيس تہ ”اي سائين! تنهنجي لاءِ.“

Sindhi Bible

⁵ ۽ جڏهن هو اُتي پهتو تڏهن ڏس، لشڪر جا سردار اُتي ويٺا هئا؛ ۽ هن چيو تہ اي سردار، مون کي تنهنجي لاءِ هڪڙو پيغام مليل آهي. ۽ ياهوءَ چيو تہ اسان سڀني مان ڪهڙي جي لاءِ؟ هن چيو تہ اي سردار، تنهنجي لاءِ.

2.بادشاهَہ 9:5 ပူးပေါင်းရင်းမြစ်များ

2.بادشاهَہ 9:2

جڏهن تون اتي پهچين تڏهن نمشيءَ جي پوٽي ييهو ولد يهوسفط کي ڳولي هٿ ڪج. پوءِ وٽس وڃي کيس ساٿين کان اٿاري اندرين ڪوٺيءَ ۾ وٺي وڃجانءِ.

2.بادشاهَہ 9:4

سو اهو جوان نبي رامات شهر ڏانهن روانو ٿي ويو.

2.بادشاهَہ 9:6

ييهو اٿيو ۽ انهيءَ نبيءَ سان گڏ اندر گھر ۾ گھڙي ويو. تڏهن نبيءَ اهو تيل هن جي مٿي تي وڌو ۽ چيائينس تہ ”خداوند، بني اسرائيل جو خدا فرمائي ٿو تہ ’مون خداوند تو کي مسح ڪري پنهنجي قوم بني اسرائيل جي ڏهن قبيلن مٿان اسرائيل جو بادشاهہ بڻايو آهي.

قاضين 3:19

مگر پاڻ جِلجال وارين پٿر جي مورتين وٽان موٽي عجلون بادشاهہ وٽ آيو ۽ کيس چيائين تہ ”اي بادشاهہ! مون کي هڪڙو ڳجھو پيغام توهان کي ڏيڻو آهي.“ بادشاهہ چيو تہ ”نويڪلائي ٿئي.“ تڏهن بادشاهہ جا سڀ درٻاري ٻاهر نڪري ويا.