2.بادشاهَہ 9:19 - Muslim Sindhi Bible

¹⁹ سو بادشاهہ وري ٻيو گھوڙي سوار موڪليو. جڏهن هو وٽن آيو تڏهن کين چيائين تہ ”بادشاهہ چوي ٿو تہ ’ڇا توهان جو اچڻ خيري آهي؟‘“ ييهوءَ کيس وراڻيو تہ ”تنهنجو خير سان ڪهڙو واسطو؟ منهنجي پٺيان ٿي هل.“

Sindhi Bible

¹⁹ تڏهن هن وري ٻيو ماڻهو گهوڙي تي چاڙهي موڪليو جو هنن وٽ ويو ۽ چيائين تہ بادشاهہ ٿو پڇي تہ خير سلامتي آهي؟ تڏهن ياهوءَ ورندي ڏني تہ توکي خير سلامتيءَ سان ڪهڙو ڪم آهي؟ تون ڦري منهنجي پٺيان هل.

2.بادشاهَہ 9:19 ပူးပေါင်းရင်းမြစ်များ

2.بادشاهَہ 9:11

جڏهن ييهو پنهنجي ساٿين وٽ موٽي آيو، تڏهن هڪڙي کانئس پڇيو تہ ”ٻيو تہ خير آهي؟ اهو چريو ماڻهو تو وٽ ڇو آيو هو؟“ تنهن تي ييهوءَ کين وراڻيو تہ ”ڇا اوهان کي انهيءَ ماڻهوءَ جي ۽ جيڪي هن چيو تنهن جي خبر آهي؟“

2.بادشاهَہ 9:17

يزرعيل ۾ ٺُلهہ تي بيٺل هڪڙي پهريدار جڏهن ييهوءَ جي لشڪر کي ايندي ڏٺو، تڏهن پڪاري چيائين تہ ”هڪڙو لشڪر ايندو ڏسڻ ۾ اچي ٿو.“ تڏهن يورام حڪم ڏنو تہ ”هڪڙي گھوڙي سوار کي گھرايو. کيس موڪليو تہ وڃي واٽ تي انهن سان ملي کانئن پڇي تہ ’ڇا توهان جو اچڻ خيري آهي؟‘“

2.بادشاهَہ 9:18

تڏهن هڪڙو سوار گھوڙي تي چڙهي ييهوءَ سان گڏجڻ لاءِ ويو ۽ کيس چيائين تہ ”بادشاهہ پڇي ٿو تہ ’ڇا توهان جو اچڻ خيري آهي؟‘“ تنهن تي ييهوءَ کيس وراڻيو تہ ”تنهنجو خير سان ڪهڙو واسطو؟ منهنجي پٺيان هل.“ تڏهن هڪڙي پهريدار وڃي بادشاهہ کي اطلاع ڏنو تہ ”قاصد لشڪر تائين پهتو تہ آهي پر واپس ڪونہ ٿو اچي.“

2.بادشاهَہ 9:20

تڏهن پهريدار وري وڃي بادشاهہ کي اطلاع ڏنو تہ ”قاصد لشڪر وٽ پهتو تہ آهي پر هو موٽي ڪونہ ٿو اچي. اها سواري نمشيءَ جي پوٽي ييهوءَ جي سواريءَ جهڙي آهي، ڇو تہ هو وڏي جوش مان هڪليندو آهي.“

يسعياہ 48:22

پر بدڪارن بابت خداوند جو فرمان آهي تہ هنن لاءِ ڪا سلامتي ڪانهي.