2.بادشاهَہ 8:18 - Muslim Sindhi Bible

¹⁸ جيئن تہ يهورام اخي‌اب جي ڌيءَ سان شادي ڪئي هئي، سو هُو بہ بدڪردار اخي‌اب جي گھراڻي وانگر اسرائيل جي بادشاهن جي رستي تي هليو ۽ اهي ئي ڪم ڪيائين جيڪي خداوند جي نظر ۾ برا هئا.

Sindhi Bible

¹⁸ ۽ هو اسرائيل جي بادشاهن جي رستي تي هليو، جيئن ڪ اخي آب جو گهراڻو هليو هو: ڇالاءِ جو اخي آب جي ڌيءَ هن جي زال هئي: ۽ هن اُهي ڪم ڪيا جي خداوند جي نظر ۾ خراب هئا.

2.بادشاهَہ 8:18 ပူးပေါင်းရင်းမြစ်များ

1.بادشاهَہ 21:25

اهو ائين ڇو نہ ٿئي، ڇوجو اخي‌اب جهڙو ٻيو ڪوبہ اهڙو ماڻهو اڳ ڪونہ ٿيو هو جنهن پاڻ مڪمل طرح اهڙو ڪم ڪيو هجي جيڪو خدا جي نظر ۾ برو هجي، سو بہ پنهنجي زال جي چوڻ تي!

1.بادشاهَہ 22:44

هو پڻ اسرائيل جي بادشاهہ سان صلح سانت ۾ رهيو.

2.بادشاهَہ 16:3

اٽلندو هو اسرائيل جي بادشاهن جي رستن تي هليو. جن غير قومن کي خداوند بني اسرائيل جي اڳيان هڪالي ڪڍيو هو، تن جي ڪراهت جهڙين ريتن رسمن تي عمل ڪندي هن پنهنجي پٽ کي ساڙڻ واري قربانيءَ طور پيش ڪيو.

2.بادشاهَہ 21:13

آءٌ يروشلم کي سامريہ جهڙي سزا ڏيندس. هائو، اهڙي سزا ڏيندوسانس جهڙي اسرائيل جي بادشاهہ اخي‌اب ۽ سندس اولاد کي ڏني هئم. آءٌ يروشلم کي ائين اُگھي ڇڏيندس جيئن ڪو ماڻهو ٿالهي اُگھي اونڌي ڪري رکي ڇڏيندو آهي.

2.بادشاهَہ 21:3

هن اهي ٽڪرين تي ٺهيل غير معبودن وارا پوڄا گھر وري تعمير ڪرايا، جيڪي سندس پيءُ حزقياہ ڊاهي ڇڏيا هئا. هن بعل ديوتا لاءِ پڻ قربان‌گاهون ٺهرايون ۽ يسيرہ ديويءَ جو هڪڙو ٿنڀو بہ ٺهرايائين، جهڙيءَ طرح اسرائيل جي بادشاهہ اخي‌اب ڪيو هو. هن آسماني سيارن ۽ ستارن جي پوڄا بہ ڪئي.

2.بادشاهَہ 8:26

جڏهن اخزياہ بادشاهي ڪرڻ لڳو تڏهن سندس عمر ٻاويهہ سال هئي. هن يروشلم ۾ رهي اٽڪل هڪ سال بادشاهي ڪئي. هن جي ماءُ جو نالو عتلياہ هو جيڪا اسرائيل جي بادشاهہ عمريءَ جي پوٽي ۽ اخي‌اب جي ڌيءَ هئي.

2.بادشاهَہ 8:27

هو بہ اخي‌اب گھراڻي جي رستي تي هليو ۽ انهن وانگر اهڙا ڪم ڪيائين جيڪي خداوند جي نظر ۾ برا هئا، ڇو تہ اخي‌اب جو گھراڻو سندس ناناڻ هو.

2.تواريخ 17:4

هو اسرائيل جي بادشاهن جي بري رستي تي هلڻ بدران پنهنجي پيءُ جي خدا جي طلب ۾ رهيو ۽ خدا جي حڪمن تي عمل ڪندو رهيو.

2.تواريخ 18:1

يهوداہ جو بادشاهہ يهوسفط جڏهن گھڻو دولتمند ۽ عزت وارو ٿي ويو، تڏهن هن اسرائيل جي بادشاهہ اخي‌اب سان رشتيداري ڪئي.

2.تواريخ 19:2

تڏهن هڪڙو نبي ييهو ولد حناني بادشاهہ سان ملڻ آيو ۽ کيس چيائين تہ ”ڇا اهو مناسب آهي جو تون بدڪارن جي مدد ڪرين ۽ خداوند جي دشمنن سان محبت رکين؟ ياد رک، انهيءَ ڳالهہ جي ڪري تو تي خدا جو ڏمر آهي.

2.تواريخ 21:13

پر تون اسرائيل جي بادشاهن جي رستن تي هليو آهين. تو يروشلم بلڪ سڄي يهوداہ جي رهاڪن کي خدا کان ڦيري گمراهہ ڪيو آهي جيئن اخي‌اب جي گھراڻي ڪيو هو. انهيءَ کان سواءِ تو پنهنجي ڀائرن کي بہ قتل ڪرائي ڇڏيو، جيڪي تو کان چڱا هئا.

2.تواريخ 21:6

هو بدڪردار اخي‌اب ۽ اهڙن ٻين اسرائيل جي بادشاهن جي رستي تي هلڻ لڳو، ڇاڪاڻ تہ اخي‌اب جي ڌيءَ سندس زال هئي. سو هن اهي ئي ڪم ڪيا جيڪي خداوند جي نظر ۾ برا هئا.

ميڪاہ 6:16

اي يروشلم وارؤ! اهو سڀ انهيءَ ڪري ٿيندو، جو اوهان اسرائيل ملڪ جي بادشاهہ عمري ۽ سندس پٽ بادشاهہ اخي‌اب جي گناهن وارن عملن جي پيروي ڪئي آهي. جيئن تہ اوهين انهن جي رستي تي هلندا رهيا آهيو، تنهنڪري هاڻ، آءٌ اوهان کي ۽ اوهان جي شهر يروشلم کي تباهہ وَ برباد ڪري ڇڏيندس. پوءِ هر قوم جا ماڻهو اوهان تي ٺٺوليون ڪندا، ۽ اوهين خوار خراب ڪيا ويندا.“