2.بادشاهَہ 8:16 - Muslim Sindhi Bible

¹⁶ اسرائيل جي بادشاهہ يورام ولد اخي‌اب جي بادشاهيءَ جي پنجين سال يهوسفط کان پوءِ سندس پٽ يهورام يهوداہ ملڪ جو بادشاهہ ٿيو.

Sindhi Bible

¹⁶ ۽ يورام بن اخي آب، اسرائيل جي بادشاهہ جي پنجين ورهيہ ۾، جڏهن يهوسفط يهوداہ جو بادشاهہ هو، يهورام بن يهوسفط، يهوداہ جو بادشاهہ ٿيو.

2.بادشاهَہ 8:16 ပူးပေါင်းရင်းမြစ်များ

1.بادشاهَہ 22:42

يهوسفط پنجٽيهن سالن جي عمر ۾ بادشاهہ بڻيو ۽ هن يروشلم ۾ رهي اٽڪل پنجويهہ سال بادشاهي ڪئي. هن جي ماءُ جو نالو عزوبہ هو جيڪا شلحيءَ جي ڌيءَ هئي.

1.بادشاهَہ 22:44

هو پڻ اسرائيل جي بادشاهہ سان صلح سانت ۾ رهيو.

1.بادشاهَہ 22:50

يهوسفط وفات ڪري وڃي پنهنجن وڏن سان آرامي ٿيو ۽ کيس دائود جي شهر ۾ دفن ڪيو ويو. پوءِ سندس پٽ يهورام سندس جاءِ تي بادشاهہ بڻيو.

1.بادشاهَہ 22:51

يهوداہ جي بادشاهہ يهوسفط جي بادشاهيءَ جي سترهين سال اخزياہ ولد اخي‌اب اسرائيل جو بادشاهہ مقرر ٿيو ۽ هن اسرائيل تي اٽڪل ٻہ سال بادشاهي ڪئي.

2.بادشاهَہ 1:17

سو جيئن خدا الياس جي معرفت فرمايو هو تيئن ئي بادشاهہ اخزياہ مري ويو. جيئن تہ اخزياہ کي ڪو پٽ ڪونہ هو، انهيءَ ڪري يهوداہ جي بادشاهہ يهورام ولد يهوسفط جي بادشاهيءَ جي ٻئي سال ۾، اخزياہ جو ڀاءُ يورام سندس تخت تي ويٺو.

2.بادشاهَہ 11:2

پر بادشاهہ يهورام جي ڌيءَ يهوسبع، جيڪا اخزياہ جي ڀيڻ هئي تنهن اخزياہ جي پٽ يوآس کي بچائي ورتو، جيڪو بادشاهہ جي ٻئي اولاد سان گڏ قتل ٿيڻ وارو هو. هن يوآس ۽ سندس دائيءَ کي سمهڻ واري ڪمري ۾ وٺي وڃي لڪائي ڇڏيو. اهڙيءَ طرح هو مرڻ کان بچي ويو.

2.بادشاهَہ 3:1

يهوداہ جي بادشاهہ يهوسفط جي بادشاهيءَ جي ارڙهين سال، يورام ولد اخي‌اب سامريہ شهر ۾ اسرائيل تي بادشاهي ڪرڻ لڳو، جيڪا اٽڪل ٻارهن سال هلي.

2.بادشاهَہ 8:25

اسرائيل جي بادشاهہ يورام ولد اخي‌اب جي بادشاهيءَ جي ٻارهين سال اخزياہ ولد يهورام يهوداہ تي بادشاهي ڪرڻ لڳو.

2.تواريخ 22:1

جيئن تہ عرب حملہ‌آور، جيڪي لشڪرگاهہ تي چڙهائي ڪري آيا هئا، تن بادشاهہ يهورام جي سڀني پٽن کي قتل ڪري ڇڏيو، پر سندس ننڍو پٽ اخزياہ بچي ويو. سو يروشلم جي رهاڪن اخزياہ کي يهورام جي جاءِ تي يهوداہ جو بادشاهہ بڻايو.