2.بادشاهَہ 6:13 - Muslim Sindhi Bible

¹³ تڏهن بادشاهہ حڪم ڏنو تہ ”معلوم ڪريو تہ هو ڪٿي آهي تہ آءٌ ماڻهو موڪلي کيس پڪڙائي وٺان.“ هنن معلوم ڪري اچي کيس ٻڌايو تہ ”هو دوتين شهر ۾ آهي.“

Sindhi Bible

¹³ تڏهن هن چيو تہ وڃي ڏسو تہ هو ڪٿي آهي تہ آءٌ هن کي گهُرائي وٺان. ۽ هنن ٻڌايس تہ ڏس، هو دوتين ۾ آهي.

2.بادشاهَہ 6:13 ပူးပေါင်းရင်းမြစ်များ

پيدائش 37:17

تڏهن انهيءَ ماڻهوءَ ٻڌايس تہ ”اهي هتان هليا ويا آهن. مون کين ائين چوندي ٻڌو هو تہ ’هلو تہ دوتان ڏانهن هلون.‘“ پوءِ يوسف پنهنجي ڀائرن جي پٺيان ويو ۽ دوتان ۾ وڃي کين لڌائين.

2.بادشاهَہ 1:9

تڏهن بادشاهہ پنجاهہ سپاهين جي هڪڙي سالار کي سندس سپاهين سميت هن ڏانهن موڪليو. ان وقت الياس ٽڪريءَ جي چوٽيءَ تي ويٺو هو، سو سالار وڃي کيس چيو تہ ”اي خدا جا ٻانها! بادشاهہ چويئي ٿو تہ ’هيٺ لهي اچ.‘“

2.بادشاهَہ 6:12

سندس سالارن مان هڪڙي وراڻيو تہ ”اي منهنجا آقا بادشاهہ! اسان مان ڪوبہ ناهي. پر اليشع نبي جيڪو اسرائيل ملڪ ۾ رهي ٿو، سو اسرائيل جي بادشاهہ کي اُهي بہ ڳالهيون ٻڌائي ٿو جيڪي توڙي جو توهين پنهنجي سمهڻ واري ڪمري ۾ اڪيلائيءَ ۾ ڪنهن سان ڪريو ٿا.“

2.بادشاهَہ 6:14

تڏهن بادشاهہ اوڏانهن هڪ وڏو لشڪر گھوڙي گاڏين سان ڏياري موڪليو. هنن رات جو وڃي شهر کي گھيرو ڪيو.

يرمياہ 36:26

اٽلندو بادشاهہ پنهنجي شهزادي يرحمئيل ۽ شراياہ ولد عزري ايل ۽ سلمياہ ولد عبدي ايل نالي عملدارن کي حڪم ڏنو تہ ”وڃو، باروڪ ڪاتب ۽ يرمياہ کي گرفتار ڪري اچو.“ پر خداوند اسان کي لڪائي ڇڏيو هو.