2.بادشاهَہ 4:21 - Muslim Sindhi Bible

²¹ تڏهن هن ٻار کي مٿي کڻي وڃي انهيءَ خدا جي ٻانهي جي کٽ تي سمهاريو ۽ پوءِ ٻاهر نڪري در بند ڪري هلي آئي.

Sindhi Bible

²¹ ۽ هن وڃي هن کي اُنهيءَ خدا جي مرد جي هنڌ تي سمهاريو، ۽ پوءِ در بند ڪري ٻاهر نڪري هلي ويئي.

2.بادشاهَہ 4:21 ပူးပေါင်းရင်းမြစ်များ

1.بادشاهَہ 17:19

الياس کيس چيو تہ ”پنهنجو پٽ مون ڏانهن کڻي اچ.“ تڏهن الياس انهيءَ ڇوڪري کي عورت جي هٿن مان وٺي مٿي ماڙيءَ ۾ کڻي ويو جتي هو پاڻ رهندو هو. هن انهيءَ کي اتي پنهنجي هنڌ تي کڻي سمهاريو.

2.بادشاهَہ 4:10

سو ڇو نہ پنهنجي جاءِ مٿان هن لاءِ هڪڙي ڪوٺڙي ٺهرايون ۽ انهيءَ ۾ سندس لاءِ هڪڙي کٽ، ميز، ڪرسي ۽ ڏيئو رکون. پوءِ هو جڏهن بہ اسان وٽ اچي تہ اتي ئي رهي.“

2.بادشاهَہ 4:20

نوڪر کيس کڻي ماڻس وٽ آندو. ڇوڪرو منجھند تائين پنهنجي ماءُ جي هنج ۾ پيو رهيو ۽ پوءِ مري ويو.

2.بادشاهَہ 4:22

پوءِ پنهنجي مڙس کي سڏائي چيائين تہ ”مهرباني ڪري پنهنجو هڪڙو نوڪر ۽ هڪڙو گڏهہ مون ڏانهن ڏياري موڪل تہ آءٌ هن خدا جي ٻانهي ڏانهن تڪڙي وڃان ۽ موٽي اچان.“

2.بادشاهَہ 4:32

پوءِ جڏهن اليشع انهيءَ عورت جي گھر ۾ پهتو تڏهن ڏٺائين تہ ٻار سندس کٽ تي مئو پيو آهي.

2.بادشاهَہ 4:7

تنهن کان پوءِ هن اچي خدا جي ٻانهي اليشع کي ٻڌايو. اليشع کيس چيو تہ ”وڃي تيل وڪڻي قرض ادا ڪر ۽ باقي جيڪي بچي تنهن تي تون ۽ تنهنجا پٽ گذران ڪجو.“