2.بادشاهَہ 18:23 - Muslim Sindhi Bible

²³ سو هاڻ آءٌ پنهنجي مالڪ اشور جي شهنشاهہ طرفان تو سان هڪ شرط ٿو رکان تہ آءٌ تو کي ٻہ هزار گھوڙا ڏيندس، پر انهيءَ شرط سان تہ تو وٽ انهن تي سواري ڪرڻ لاءِ ماڻهو بہ هجن.

Sindhi Bible

²³ تنهنڪري هاڻي آءٌ توکي منٿ ٿو ڪريان تہ منهنجي ڌڻيءَ اسور جي بادشاهہ سان عهد ڪر، ۽ آءٌ توکي ٻہ هزار گهوڙا ڏيندس، بشرطيڪ تون اهو ذمو کڻندين تہ انهن تي سوار چاڙهي سگهندين.

2.بادشاهَہ 18:23 ပူးပေါင်းရင်းမြစ်များ

1.بادشاهَہ 20:10

پوءِ بن‌هدد وري ٻيو پيغام اخي‌اب ڏانهن موڪليو تہ ”آءٌ تنهنجي شهر سامريہ کي تباهہ ڪرڻ لاءِ ايترا تہ ماڻهو وٺي ايندس جو هو جيڪڏهن سامريہ شهر جي مٽيءَ مان هڪ هڪ مٺ بہ کڻندا تہ مٽي کپي ويندي. جيڪڏهن آءٌ ائين نہ ڪريان تہ ڀل تہ منهنجا ديوتا مون کي ماري ڇڏين.“

1.بادشاهَہ 20:18

تنهن تي بن‌هدد حڪم ڏنو تہ ”کين جيئرو گرفتار ڪريو، پوءِ کڻي هو جنگ لاءِ ايندا هجن يا صلح لاءِ.“

2.بادشاهَہ 18:22

عملدار اعليٰ وڌيڪ انهن ماڻهن کي چيو تہ ”پر جيڪڏهن اوهين مون کي چوندا تہ ’اسان جو ڀروسو خداوند پنهنجي خدا تي آهي،‘ تہ پوءِ هو اهو ساڳيو معبود نہ آهي ڇا جنهن جون عبادت‌گاهون ۽ قربان‌گاهون حزقياہ ختم ڪرائي ڇڏيون؟ بلڪ هن يروشلم وارن توڙي سڄي يهوداہ وارن کي چيو تہ ’اوهين رڳو يروشلم واري قربان‌گاهہ تي قربانيون چاڙهيو.‘

2.بادشاهَہ 18:24

پر تو وٽ تہ اهي بہ نہ هوندا، تہ پوءِ تون ڪيئن منهنجي مالڪ جي خسيس عملدار کي بہ پوئتي هٽائي سگھندين؟ جڏهن تہ تون جنگي گھوڙي گاڏين ۽ گھوڙي سوارن لاءِ بہ مصر تي ڀروسو رکيو ويٺو آهين؟

1.سموئيل 17:42

جالوت دائود کي چتائي ڏٺو. هن دائود کي حقير ڄاتو، ڇو تہ سندس نظر ۾ هو رڳو ڳاڙهي گوري رنگ وارو خوبصورت ڇوڪرو هو.

1.سموئيل 17:44

پوءِ هن دائود کي چيو تہ ”مون وٽ اچ تہ آءٌ تنهنجو ماس پکين ۽ جھنگلي جانورن ڏانهن اڇلايان.“