2.بادشاهَہ 17:32 - Muslim Sindhi Bible

³² هو خداوند جي بہ عبادت ڪندا هئا، پر هنن پاڻ منجھان ڪي ماڻهو پڻ چونڊي مذهبي اڳواڻ طور مقرر ڪيا هئا جيڪي هنن لاءِ غير معبودن وارن پوڄا گھرن ۾ قربانيون پيش ڪندا هئا.

Sindhi Bible

³² انهيءَ طرح هو خداوند کان ڊنا، ۽ پاڻ منجهان پنهنجي لاءِ مٿانهين جاين جا ڪاهن مقرر ڪيائون، جي هنن جي لاءِ مٿانهين جاين جي گهرن ۾ قربانيون چاڙهيندا هئا.

2.بادشاهَہ 17:32 ပူးပေါင်းရင်းမြစ်များ

1.بادشاهَہ 12:31

يربعام مختلف هنڌن تي پوڄا گھر پڻ تعمير ڪرايا ۽ انهن ۾ مذهبي اڳواڻ مقرر ڪيائين جيڪي لاوي قبيلي مان نہ هئا.

1.بادشاهَہ 13:31

هن جي دفن ڪرڻ کان پوءِ انهيءَ پوڙهي پنهنجي پٽن کي چيو تہ ”جڏهن آءٌ مران تڏهن مون کي انهيءَ قبرستان ۾ دفن ڪجو جنهن ۾ اهو خدا جو ٻانهو دفن ڪيل آهي ۽ منهنجو لاش هن جي قبر جي ڀرسان پورجو.

1.بادشاهَہ 13:33

انهيءَ جي باوجود بہ بادشاهہ يربعام پنهنجي بڇڙي رستي کان باز نہ آيو، بلڪ هڪ دفعو وري هن مختلف هنڌن تي قائم ڪيل پوڄا گھرن ۾ عام ماڻهن مان مذهبي بزرگ مقرر ڪيا جيڪي لاوي قبيلي جا نہ هئا. جنهن بہ مذهبي بزرگ ٿيڻ گھريو ٿي تہ هن ان کي مخصوص ڪري مقرر ٿي ڪيو.

2.بادشاهَہ 17:25

سامريہ علائقي ۾ رهڻ جي شروعات ۾ انهن ماڻهن خداوند جو خوف نہ رکيو، تنهنڪري خداوند منجھن شينهن موڪليا جن انهن مان ڪن کي ماري وڌو.

2.بادشاهَہ 17:29

تنهن هوندي بہ هر قوم پنهنجي پنهنجي رهڻ وارن شهرن ۾ پنهنجي لاءِ بت ٺاهي سامريہ وارن جي ٺهيل پوڄا گھرن ۾ رکيا.

2.بادشاهَہ 17:33

اهي خداوند جي عبادت تہ ڪندا هئا، پر هو پنهنجن ملڪن جي ريتن رسمن موجب پنهنجن معبودن جي پوڄا پڻ ڪندا هئا.

2.بادشاهَہ 17:41

جيتوڻيڪ هي قومون خداوند جي عبادت تہ ڪنديون هيون، تڏهن بہ انهيءَ سان گڏ هو پنهنجن ٺاهيل بتن کي بہ پوڄينديون هيون. اڄ ڏينهن تائين سندن اولاد ۽ سندن اولاد جو اولاد بہ پنهنجي ابن ڏاڏن وانگر ائين ئي ڪندو ٿو اچي.

2.بادشاهَہ 23:19

سامريہ جي شهرن ۾ غير معبودن جا پوڄا گھر، جيڪي اسرائيل جي بادشاهن جوڙائي خداوند کي ڪاوڙ ڏياري هئي، سي سڀ پڻ يوسياہ ڊهرائي ڇڏيا ۽ انهن سان بہ ساڳي ڪار ڪيائين جيڪا بيت‌ايل جي پوڄا گھرن سان ڪئي هئائين.

عزرا 4:2

تڏهن هو زربابل ۽ گھراڻن جي وڏن وٽ آيا ۽ کين چيائون تہ ”اسان کي بہ پاڻ سان گڏ تعمير جي ڪم ۾ هٿ ونڊائڻ ڏيو، ڇاڪاڻ تہ اسين بہ ان ساڳئي خدا جي عبادت ڪندا آهيون جنهن جي اوهين ڪندا آهيو. اسين اشور جي شهنشاهہ اسرحدون، جنهن اسان کي هتي آباد ڪيو هو تنهن جي وقت کان وٺي ان خدا لاءِ قربانيون ڪندا رهيا آهيون.“

صفنياہ 1:5

آءٌ انهن کي بہ فنا ڪري ڇڏيندس، جيڪي گھرن جي ڇتين تي آسماني ستارن ۽ سيارن کي سجدا ٿا ڪن، ۽ انهن کي بہ جيڪي مون خداوند کي سجدو تہ ڪن ٿا، ۽ منهنجي تابعداريءَ جي دعويٰ ڪن ٿا، پر ان سان گڏوگڏ هو مولڪ ديوتا جو بہ قسم کڻن ٿا.