2.بادشاهَہ 17:26 - Muslim Sindhi Bible

²⁶ تڏهن اشور جي شهنشاهہ کي ٻڌايو ويو تہ ”جيڪي قومون اوهان آڻي سامريہ جي شهرن ۾ آباد ڪيون آهن تن کي تہ انهيءَ ملڪ جي معبود جي قانونن جي بہ ڪا خبر ڪانهي، تنهنڪري هن منجھن شينهن موڪليا آهن جيڪي کين مارين پيا.“

Sindhi Bible

²⁶ انهيءَ ڪري هنن اسور جي بادشاهہ کي چيو تہ جيڪي قومون تو آڻي سامريہ جي شهرن ۾ ويهاريون آهن، سي انهيءَ ملڪ جي خداوند جو رستو نٿيون ڄاڻين: سو هن انهن منجهہ شينهن موڪليا آهن ۽ ڏس، اُهي هنن کي مارين ٿا، ڇالاءِ جو هو انهيءَ ملڪ جي خدا جو رستو نہ ٿا ڄاڻن.

2.بادشاهَہ 17:26 ပူးပေါင်းရင်းမြစ်များ

2.بادشاهَہ 17:25

سامريہ علائقي ۾ رهڻ جي شروعات ۾ انهن ماڻهن خداوند جو خوف نہ رکيو، تنهنڪري خداوند منجھن شينهن موڪليا جن انهن مان ڪن کي ماري وڌو.

2.بادشاهَہ 17:27

تنهن تي اشور جي شهنشاهہ حڪم ڏنو تہ ”جن ڪاهنن کي اوهان اتان قيدي بڻائي وٺي آيا آهيو تن مان هڪڙو اوڏانهن ڏياري موڪليو تہ اتي وڃي رهي ۽ هنن کي انهيءَ ملڪ جي معبود جا قانون سيکاري.“

عاموس 8:14

ان کان علاوہ اُهي جيڪي سامريہ جي ڪراهت جهڙن بتن جو قسم کڻي چون ٿا تہ ’اي دان شهر! تنهنجي معبود جو قسم،‘ يا وري ’اي بيرسبع شهر! تنهنجي معبود جو قسم،‘ سي سڀيئي ڪري پوندا ۽ وري ڪڏهن نہ اٿندا.“

1.سموئيل 10:25

پوءِ سموئيل ماڻهن کي بادشاهت جا قاعدا قانون بيان ڪري ٻڌايا ۽ اهي هڪڙي ڪتاب ۾ لکي ڇڏيائين. اهو ڪتاب هن خداوند جي مقدس خيمي ۾ رکي ڇڏيو. پوءِ سڀيئي ماڻهو پنهنجن پنهنجن گھرن ڏانهن هليا ويا.

1.سموئيل 8:9

تنهنڪري هاڻي تون انهن جي ڳالهہ مڃ، پر هنن کي پوريءَ طرح خبردار ڪري ڇڏ ۽ کين ٻڌائي ڇڏ تہ ڪهڙي قسم جو بادشاهہ هنن تي حڪومت هلائيندو.“