2.بادشاهَہ 17:22 - Muslim Sindhi Bible

²² اسرائيل وارا يربعام جي ڪيل گناهن کي چهٽيل رهيا ۽ انهن کان منهن نہ موڙيائون،

Sindhi Bible

²² ۽ بني اسرائيل يربعام جي انهن گناهن تي هليا، جي هن ڪيا؛ هو اُنهن کان نہ مڙيا؛

2.بادشاهَہ 17:22 ပူးပေါင်းရင်းမြစ်များ

2.بادشاهَہ 10:29

انهيءَ هوندي بہ ييهوءَ يربعام ولد نباط جي انهيءَ گناهہ کان منهن نہ موڙيو جيڪو يربعام اسرائيل وارن کان ڪرايو هو، يعني بيت‌ايل ۽ دان ۾ سونن گابن جي پوڄا.

2.بادشاهَہ 10:31

تنهن هوندي بہ ييهو خداوند، بني اسرائيل جي خدا جي شريعت تي دل وَ جان سان نہ هليو. هن يربعام جي گناهہ کان منهن نہ موڙيو جيڪو يربعام اسرائيل وارن کان ڪرايو هو.

2.بادشاهَہ 13:11

هن خداوند جي نظر ۾ بڇڙا ڪم ڪيا. هو يربعام ولد نباط جي رستي تي هلندي انهن سڀني گناهن کان باز نہ آيو جن سان هن اسرائيل وارن کان گناهہ ڪرايا هئا.

2.بادشاهَہ 13:2

هن خداوند جي نظر ۾ بڇڙا ڪم ڪيا ۽ بادشاهہ يربعام ولد نباط جي گناهن جي پيروي ڪيائين، جنهن سان هن اسرائيل وارن کان گناهہ ڪرايا هئا. سو هو انهيءَ رستي تي هلندو آيو.

2.بادشاهَہ 13:6

انهيءَ هوندي بہ هو انهن گناهن کان باز نہ آيا جن ۾ يربعام کين آڻي وڌو هو، پر انهن کي جاري رکندا آيا، بلڪ سامريہ ۾ يسيرہ ديويءَ جي مورتي بہ رکي رهي.

2.بادشاهَہ 15:9

هن پنهنجي ابن ڏاڏن وانگر اهي ئي ڪم ڪيا جيڪي خداوند جي نظر ۾ برا هئا. هن بادشاهہ يربعام وارن گناهن کان پاسو نہ ڪيو جن سان يربعام اسرائيل وارن کان گناهہ ڪرايا هئا.

2.بادشاهَہ 17:21

جڏهن خداوند اسرائيل ملڪ کي ٻن حصن ۾ ورهائي ڇڏيو ۽ دائود جي گھراڻي کان ڏهن قبيلن وارو حصو کسيو هئائين، تڏهن انهن ڏهن قبيلن وارن يربعام ولد نباط کي پنهنجي مٿان بادشاهہ بڻايو. يربعام انهن کي خداوند جي حڪمن جي پيروي ڪرڻ کان ڦيرائي کانئن وڏا گناهہ ڪرايا.

2.بادشاهَہ 17:23

ايستائين جو خداوند کين پنهنجي حضور مان تڙي ڪڍي ڇڏيو. اهو ائين ئي ٿيو جيئن خداوند پنهنجي ٻانهن نبين جي معرفت کين چتاءُ ڏنو هو. سو اسرائيل وارا پنهنجي ملڪ مان جلاوطن ٿي اشور ۾ آيا، جتي اڄ ڏينهن تائين رهندا ٿا اچن.

2.بادشاهَہ 3:3

تنهن هوندي بہ هو پاڻ کان اڳ واري بادشاهہ يربعام ولد نباط وانگر هو، جنهن اسرائيل وارن کي گناهن ۾ ڌڪي ڇڏيو هو. يورام بہ انهن گناهن کان باز نہ آيو.

قاضين 18:30

اتي بني دان پنهنجي لاءِ اُهو بت کوڙي ڇڏيو ۽ پوءِ جيستائين اهو ملڪ جلاوطنيءَ وقت ٻين جي قبضي ۾ آيو تيستائين جيرشوم جو پٽ يعني موسيٰ جو پوٽو يونتن ۽ سندس اولاد دان قبيلي جا ڪاهن ٿي رهيا.