2.بادشاهَہ 16:18 - Muslim Sindhi Bible

¹⁸ اشور جي شهنشاهہ کي خوش ڪرڻ لاءِ آخز محل ۾ شاهي تخت لاءِ ٺاهيل ٿلهي کي هٽرائي ڇڏيو ۽ هيڪل ۾ گھڙڻ وارو بادشاهہ جو لنگھہ بہ بند ڪرائي ڇڏيائين.

Sindhi Bible

¹⁸ ۽ گهر جي اندر سبت جي لاءِ جيڪو ڍڪيل رستو جوڙايو هئائون، ۽ ٻاهران جيڪو بادشاهہ جي گهڙڻ جو در هو، سو اسور جي بادشاهہ جي ڪري هن ڦيرائي خداوند جي گهر ڏانهن ڪيو.

2.بادشاهَہ 16:18 ပူးပေါင်းရင်းမြစ်များ

1.بادشاهَہ 10:5

سندس دسترخوان جا طعام، سندس عملدارن جو ويهڻ، سندس خدمتگارن جو پنهنجي وردي ۾ حاضر رهڻ، سندس ساقي ۽ خداوند جي هيڪل ۾ جيڪي سليمان ساڙڻ واريون قربانيون پيش ڪيون ٿي سي سڀ ڏٺائين تہ هوش هواس اڏامي ويس.

2.بادشاهَہ 11:5

انهن کي حڪم ڏيئي چيائين تہ ”جڏهن اوهان سبت جي ڏينهن تي پنهنجي پنهنجي ڪم تي اچو، تڏهن اوهان پاڻ کي ٽن حصن ۾ ورهايو. اوهان مان هڪ حصو محل تي پهرو ڏئي،

2.بادشاهَہ 16:17

بادشاهہ آخز پتل جي ريڙهين جا تختا ڌار ڪرائي ڇڏيا ۽ انهن تان ننڍا حوض هٽرائي ڇڏيائين. هن پتل جي ڏاندن جي پٺيءَ تان وڏو حوض کڻائي اهو پٿر جي ٿلهي تي رکرائي ڇڏيو.

2.بادشاهَہ 16:19

آخز جا ٻيا باقي ڪم جيڪي هن ڪيا سي ”يهوداہ جي بادشاهن جي تواريخ جو ڪتاب“ ۾ لکيل آهن.

1.تواريخ 9:18

اهي جلاوطنيءَ جي وقت تائين بادشاهہ جي اوڀر واري دروازي تي بيهندا هئا. انهيءَ کان اڳ اهي بني لاويءَ جي لشڪرگاهہ جا دربان هوندا هئا.

حزقي ايل 44:3

تنهن هوندي بہ وقت جي حڪمران کي منهنجي حضور ۾ نذرانو ڪيل قربانيءَ واري ماني کائڻ لاءِ انهيءَ لنگھہ ۾ اچڻ گھرجي. پر هو رڳو ٻاهرين اڱڻ کان هن لنگھہ واري هال وٽان اچي وڃي سگھي ٿو.“

حزقي ايل 46:2

حڪمران هيڪل جي ٻاهرين اڱڻ کان هن لنگھہ جي هال ۾ داخل ٿئي ۽ لنگھہ جي اندرين دروازي جي چانئٺ وٽ بيٺو رهي. ڪاهن هن جي طرفان ساڙڻ واريون قربانيون ۽ سلامتيءَ واريون قربانيون پيش ڪن. تڏهن حڪمران دروازي جي چانئٺ وٽ مون کي سجدو ڪري ۽ پوءِ هو واپس ٻاهر هليو وڃي. اهو لنگھہ شام تائين کُليل رهي.