2.بادشاهَہ 14:16 - Muslim Sindhi Bible

¹⁶ يهوآس وفات ڪري وڃي پنهنجن ابن ڏاڏن سان آرامي ٿيو ۽ کيس سامريہ ۾ اسرائيل جي بادشاهن سان گڏ دفنايو ويو. سندس جاءِ تي سندس پٽ يربعام ثاني تخت‌نشين ٿيو.

Sindhi Bible

¹⁶ ۽ يوآس پنهنجي ابن ڏاڏن سان وڃي سُتو، ۽ سامريہ ۾ اسرائيل جي بادشاهن سان گڏ دفن ڪيو ويو؛ ۽ سندس جاءِ تي سندس پٽ يربعام بادشاهہ ٿيو.

2.بادشاهَہ 14:16 ပူးပေါင်းရင်းမြစ်များ

2.سموئيل 7:12

جڏهن تنهنجا ڏينهن پورا ٿيندا ۽ تون وفات ڪري وڃي پنهنجي ابن ڏاڏن سان آرامي ٿيندين، تڏهن تو کان پوءِ تنهنجي اولاد مان هڪڙي کي آءٌ کڙو ڪندس ۽ هن جي بادشاهت بہ قائم ڪندس.

1.بادشاهَہ 1:21

نہ تہ جڏهن توهان وڃي پنهنجن ابن ڏاڏن سان سمهندا تڏهن آءٌ ۽ منهنجو پٽ سليمان مجرم ليکيا وينداسون.“

2.بادشاهَہ 13:12

يهوآس جو باقي احوال جيڪي ڪجھہ هن ڪيو، سو سندس ڪارنامن ۽ انهيءَ جنگ سميت جا هن يهوداہ جي بادشاهہ امصياہ سان ڪئي، سي سڀ ”اسرائيل جي بادشاهن جي تواريخ جو ڪتاب“ ۾ لکيل آهن.

2.بادشاهَہ 13:13

يهوآس وفات ڪري وڃي پنهنجن ابن ڏاڏن سان آرامي ٿيو ۽ سندس پٽ يربعام ثاني سندس تخت تي ويٺو. يهوآس کي سامريہ ۾ اسرائيل جي بادشاهن سان گڏ دفن ڪيو ويو.

2.بادشاهَہ 13:9

يهوآخز وفات ڪري وڃي پنهنجن ابن ڏاڏن سان آرامي ٿيو ۽ کيس سامريہ ۾ دفن ڪيو ويو. سندس پٽ يهوآس سندس جاءِ تي تخت‌نشين ٿيو.

2.بادشاهَہ 14:15

يهوآس جو باقي ٻيو احوال، سندس ڪارناما ۽ يهوداہ جي بادشاهہ امصياہ سان ڪيل جنگ، اهي سڀ ”اسرائيل جي بادشاهن جي تواريخ جو ڪتاب“ ۾ لکيل آهن.

2.بادشاهَہ 14:17

يهوداہ جو بادشاهہ امصياہ ولد يوآس، اسرائيل جي بادشاهہ يهوآس ولد يهوآخز جي مرڻ کان پوءِ پندرهن سال جيئرو هو.

2.بادشاهَہ 14:23

يهوداہ جي بادشاهہ امصياہ ولد يوآس جي بادشاهيءَ جي پندرهين سال اسرائيل جو بادشاهہ يربعام ثاني سامريہ شهر ۾ رهي بادشاهي ڪرڻ لڳو ۽ اٽڪل ايڪيتاليهہ سال بادشاهي ڪيائين.

2.بادشاهَہ 14:28

يربعام ثانيءَ جو باقي احوال جيڪي ڪجھہ هن ڪيو، سو سندس ڪارنامن ۽ سوڀن سميت، جن ۾ دمشق ۽ حمات شهرن جي اسرائيل ۾ واپسي شامل آهي، اهي سڀ ڳالهيون ”اسرائيل جي بادشاهن جي تواريخ جو ڪتاب“ ۾ لکيل آهن.

1.تواريخ 5:17

يهوداہ جي بادشاهہ يوتام ۽ اسرائيل جي بادشاهہ يربعام ثاني جي ڏينهن ۾ انهن سڀني جا نالا سندن نسب‌نامن موجب لکيا ويا.

هوسيع 1:1

انهن ڏينهن ۾ جڏهن اسرائيل تي يربعام ثاني ولد يهوآس جي بادشاهي هئي ۽ يهوداہ تي عُزياہ، يوتام، آخز ۽ حزقياہ جون بادشاهتون هيون، تن ڏينهن ۾ هوسيع ولد بيريءَ جي معرفت خداوند جو اهو پيغام ڏنو ويو.

عاموس 1:1

هي ڳالهيون تقوع شهر جي ڌنار عاموس جون آهن. اسرائيل وارن بابت اهي ڳالهيون يهوداہ ملڪ جي بادشاهہ عُزياہ ۽ اسرائيل ملڪ جي بادشاهہ يربعام ثاني ولد يهوآس جي ڏينهن ۾ زلزلي کان ٻہ سال اڳ خدا عاموس کي رويا ۾ ڏيکاريون.