2.ڪرنٿين 3:10 - Muslim Sindhi Bible

¹⁰ حقيقت ۾ جيڪو عهد ڪنهن وقت جلوي وارو هو، سو هن ٻئي تمام وڌيڪ جلوي واري عهد جي ڪري بي‌جلوي ٿي پيو.

Sindhi Bible

¹⁰ ڇالاءِ جو حقيقت ڪري اهو جلال وارو، هن ٻئي جي زيادہ جلال جي ڪري بي جلال ٿي پيو.

Hindu Sindhi Bible

¹⁰ حقيقت ۾ جيڪو ٻڌل وچن ڪنهن وقت جوت وارو هو، سو هن ٻئي تمام وڌيڪ جوت واري ٻڌل وچن جي ڪري بي‌جوت ٿي پيو.

Common Language New Testament

¹⁰ ڇالاءِ⁠جو حقيقت ڪري جيڪو اڳ جلوي وارو ھو، سو ھن ٻئي تمام وڌيڪ جلوي واري جي ڀيٽ ۾ ڄڻ تہ بي⁠جلوي ٿي پيو.

2.ڪرنٿين 3:10 ပူးပေါင်းရင်းမြစ်များ

ايوب 25:5

ياد رک، هن جي نظر ۾ نڪي چنڊ روشن آهي، ۽ نہ وري ستارا ئي پاڪ آهن.

يسعياہ 24:23

انهيءَ وقت قادرِمطلق خداوند جي ئي بادشاهي هوندي، هو صيئون جبل تي اڏيل يروشلم شهر مان حڪم هلائيندو، ۽ سندس قوم جا حاڪم سندس جلوو پيا پسندا. خداوند جو جلوو ايترو تہ تجليءَ وارو هوندو جو سج چنڊ بہ سندس آڏو لڄي ۽ شرمسار هوندا.

حجيءَ 2:3

’ڇا اوهان منجھہ ڪي اهڙا ماڻهو آهن جن اصلي هيڪل جو شان وَ شوڪت ڏٺو هجي؟ اوهان انهن کان پڇو تہ کين هاڻوڪي هيڪل ڪيئن ٿي ڏسڻ ۾ اچي؟ ٿي سگھي ٿو تہ انهن جي خيال ۾ اڳئين جي مقابلي ۾ هي هيڪل ڪجھہ بہ نہ آهي.

سنتن جا ڪم 26:13

اهو منجھند جو وقت هو، تڏهن، اي بادشاهہ اگرپا! رستي ويندي مون آسمان مان هڪڙي روشني ڏٺي جيڪا سج کان بہ وڌيڪ تجليدار هئي، سا مون تي ۽ منهنجي ساٿين تي اچي چمڪي.

2.ڪرنٿين 3:11

سو جيڪڏهن اها فنا ٿيندڙ شيءِ جلوي واري هئي تہ هيءَ بقا واري شيءِ ڪيترو نہ وڌيڪ جلوي واري هوندي!

2.ڪرنٿين 3:9

هائو، جيڪڏهن اها ڏوهاري بڻائڻ واري خدمت ايڏي جلوي واري هئي، تہ پوءِ جنهن خدمت جي ڪري ماڻهو سچار ٿا بڻايا وڃن سا ضرور انهيءَ کان بہ وڌيڪ جلوي واري هوندي.

2.پطرس 1:17

هائو، جڏهن عيسيٰ کي خدا پيءُ عزت ۽ عظمت بخشي، تڏهن انهيءَ خداءِ‌ذوالجلال وٽان اتي هي آواز آيو تہ ”هي منهنجو پيارو فرزند آهي ۽ هن مان آءٌ گھڻو خوش آهيان.“

مڪاشفو 22:5

اتي وري ڪڏهن بہ رات نہ ٿيندي، تنهنڪري انهن کي ڏيئي يا سج جي روشنيءَ جي ضرورت نہ پوندي، ڇاڪاڻ تہ خداوند خدا انهن کي روشن ڪندو ۽ اهي هميشہ هميشہ تائين بادشاهي ڪندا.